२ शमूएल 22:44 - नेवाः बाइबल

⁴⁴ छिं जितः विद्रोहीतय्‌पाखें बचय् यानादिल, जाति जातितय् जुजु यानादिल। जिं म्‍हमस्‍यूपिं मनूत नं आः जिगु अधीनय् जुल।

२ शमूएल 22:44 ပူးပေါင်းရင်းမြစ်များ

२ शमूएल 19:14

दाऊदया थ्‍व खबरं यानाः यहूदाया फुक्‍क मनूतय्‌गु मन छम्‍ह हे मनू थें यानाः त्‍याका काल। अले इमिसं जुजुयात थः फुक्‍क मनूतनापं लिहांझासँ धकाः बिन्‍ति यानाछ्वल।

२ शमूएल 19:9

अले इस्राएलया फुक्‍क कुलत थथे धयाः जवाःसवाः यानाच्‍वन, “जुजुं झीत थः शत्रुतपाखें छुत्‍कारा यानादिल, अले पलिश्‍तीतय्‌गु शक्तिं बचय् यानादिल, आः अब्‍शालोमं यानाः जुजु देशं बिस्‍युं वंगु दु।

२ शमूएल 20:22

अनंलि व मिसा वन अले फुक्‍क मुनाच्‍वंपिं मनूतय्‌त थःगु बुद्धिया सल्‍लाह न्‍यंकल। अले इमिसं बिक्रीया काय् शेबाया छ्यं ध्‍यनाः योआबया न्‍ह्यःने वांछ्वयाबिल। अनंलि योआबं तुरही पुल, अले फुक्‍क सिपाइँत शहर त्‍वःताः थथःगु छेँय् लिहां वन। योआब धाःसा जुजुयाथाय् यरूशलेमय् लिहां वन।

२ शमूएल 3:1

शाऊलया घराना व दाऊदया घरानाया दथुइ यक्‍व दिं तक लडाइँ जुयाच्‍वन। दाऊद झन झन बल्‍लानावन, अले शाऊलया घराना धाःसा झन झन बमलाना वन।

२ शमूएल 5:1

इस्राएलयापिं सकल मनूत हेब्रोनय् दाऊदयाथाय् मुंवयाः वयात थथे धाल, “जिपिं छिगु हे ला व हि खः।

भजनसंग्रहया सफू 110:6

वय्‌कलं जाति जातितय्‌गु न्‍याय यानादी, अले वय्‌कलं सीम्‍हयात द्वँचिनादी, अले पृथ्‍वी न्‍यंकयापिं शासकतय्‌त चुँचुं यानादी।

भजनसंग्रहया सफू 18:43

छिं जितः विद्रोहीतय्‌पाखें बचय् यानादिल, जाति जातितय् जुजु यानादिल। जिं म्‍हमस्‍यूपिं मनूत नं आः जिगु अधीनय् जुल।

भजनसंग्रहया सफू 2:8

जिके फ्‍वँ जक, फुक्‍क जातितय्‌त जिं छंगु सर्बय यानाबी, फुक्‍क पृथ्‍वीयात छंगु यानाबी।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

यशैया 55:5

छिमिसं म्‍हमस्‍यूगु जातितय्‌त सःता हइ, अले छिमिसं म्‍हमस्‍यूपिं जातित छिमिथाय् हथाय् चाचां वइ। छाय्‌धाःसा परमप्रभु छिमि परमेश्‍वर, इस्राएलया पवित्र परमेश्‍वरं छिमित गौरवं जाय्‌कादीगु दु।”

यशैया 60:12

छाय्‌धाःसा छंगु सेवा मयाइगु जाति व राज्‍य नाश जुइ। इपिं धात्‍थें हे भज्‍यंक नाश जुइ।

यशैया 65:1

परमप्रभुं धयादी, “जिके न्‍यं मवःपिन्‍त जिं लिसः बीत तयार दु। अय्‌नं इमिसं जितः हे मालाच्‍वंगु मदु। ‘जि थन दु, जि थन हे दु’ धयासां जिमि प्रजा जितः प्रार्थना याःगु मदु।

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

होशे 2:23

जिं जिमि मनूतय्‌त पलिस्‍था याये अले इमित च्‍वन्‍ह्याके। जिं ‘गुबलें दया याये मखु’ धयाम्‍हय्‌सित हे जिं दयामाया क्‍यने। जिं ‘छिपिं जिमि प्रजा मखु’ धयापिन्‍त हे जिं ‘थः मनू’ धाये। अले इमिसं धाइ, ‘छि जिमि परमेश्‍वर खः।’”

रोमी 15:12

अले यशैयां नं थथे धाःगु दु – “यिशैया सन्‍तान दइ, वं यहूदीमखुपिन्‍त राज्‍य याइ। अले इमिसं वय्‌कःयाके हे आशा तइ।”

रोमी 9:25

थ्‍व हे खँ होशेयागु सफुलिइ च्‍वयातःगु दु – “थः मनू मखुपिन्‍त जिं थः मनू याये, अले माया मयानाम्‍हय्‌सित जिं ‘माया याइम्‍ह’ धकाः धाये।”

व्‍यवस्‍था 28:13

जिं थौं छिमित बियागु परमप्रभु छिमि परमेश्‍वरयागु आज्ञा मन बियाः उपिं बांलाक मानय् यात धाःसा परमप्रभुं छिमित न्‍हिपं मखु अय्‌नं छ्यं हे यानादी। छिपिं क्‍वय् मखु च्‍वय् हे च्‍वनी।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”