२ शमूएल 22:31 - नेवाः बाइबल

³¹ परमेश्‍वरया लँपु सिद्धगु लँपु खः। वय्‌कःया वचन सत्‍य खः। वय्‌कःया शरणय् वंपिनिगु निंतिं वय्‌कः ढाल खः।

२ शमूएल 22:31 ပူးပေါင်းရင်းမြစ်များ

२ शमूएल 22:3

जिमि परमेश्‍वर जिगु निंतिं ल्‍वहंधी थें खः। गुकिं जितः रक्षा याइ। वय्‌कः जिगु ढाल खः। वय्‌कः जितः बचय् याइगु शक्ति खः, वय्‌कः जिगु किल्‍ला खः, वय्‌कः जि शरण कायेगु थाय् खः। छि जितः उद्धार याइम्‍ह खः, छिं हे जितः ग्‍यानापुपिं मनूतपाखें बचय् यानादी।

नहेम्‍याह 9:8

छिं वयात थः प्रति विश्‍वास बहःम्‍ह जूगु सीकादिल। अले छिं वया सन्‍तानतय्‌त कनानी, हित्ती, एमोरी, परिज्‍जी, यबूसी व गिर्गाशीतय्‌गु देश बी धकाः वलिसे बाचा चिनादिल। छिं थःगु बचं पूवंकादिल छाय्‌धाःसा छि विश्‍वास याये बहःम्‍ह खः।

अय्‍यूब 34:10

“उकिं हे खँ थूपिं मनूत, जिगु खँ न्‍यनादिसँ, परमेश्‍वरं गुबलें मभिं यानादी मखु, दक्‍व शक्ति दुम्‍ह परमेश्‍वरं गुबलें मखुगु ज्‍या यानादी मखु।

भजनसंग्रहया सफू 119:140

छिगु बचंयात पूवंक जाँचय् याःगु दु, अले जिं उकियात यक्‍व माया याना।

भजनसंग्रहया सफू 12:6

परमप्रभुया वचन न्‍हय्‌कः तक मिइ छुयातःगु वहः थें शुद्ध जू।

भजनसंग्रहया सफू 145:17

परमप्रभु थःम्‍हं यानादीगु फुक्‍क ज्‍याय् धर्मी खः, थःगु फुक्‍क ज्‍याय् वय्‌कः दयादुम्‍ह खः।

भजनसंग्रहया सफू 18:30

परमेश्‍वरया लँपु सिद्धगु लँपु खः। वय्‌कःया वचन सत्‍य खः। वय्‌कःया शरणय् वंपिनिगु निंतिं वय्‌कः ढाल खः।

भजनसंग्रहया सफू 2:7

जुजुं परमप्रभुं धयादीगु खँ न्‍ह्यथनी, “परमप्रभुं जितः धयादिल, ‘छ जिमि काय् खः, थनिनिसें जि छिमि बाः जुल।

भजनसंग्रहया सफू 35:2

ढाल व ल्‍वाभः ज्‍वनादिसँ, अले जिगु ग्‍वाहालिया निंतिं झासँ।

भजनसंग्रहया सफू 84:9

हे परमेश्‍वर, जिमिगु ढाल, छिं अभिषेक जूम्‍ह जिमि जुजुयात सुवाः बियादिसँ।

भजनसंग्रहया सफू 91:4

वय्‌कलं छन्‍त थःगु पपुतिं त्‍वपुयादी, अले छन्‍त वय्‌कःया शरणय् बांलाक च्‍वने दइ। वय्‌कःया विश्‍वास याये बहःगु बचं छंगु ढाल व सुरक्षा खः।

हितोपदेश 30:5

परमेश्‍वरया फुक्‍क वचन सत्‍य खः। वय्‌कःयागु शरण काःवइपिनिगु निंतिं वय्‌कः ढाल खः।

उपदेशक 3:14

जिं स्‍यू, परमेश्‍वरं छु यानादी व न्‍ह्याबलें दयाच्‍वनी। उकी झीसं छुं नं तनेगु व लिकाये फइ मखु। मनूतय्‌सं वय्‌कःया भय कायेमा धकाः थथे यानादीगु खः।

दानिएल 4:34

न्‍हय्‌गू काल बिनावने धुंकाः जि नबूकदनेसरं थःगु मिखा थस्‍वकाः स्‍वर्गपाखे स्‍वया अले जिगु बुद्धि न्‍हापा थें तुं जुल। जिं दकलय् तःधंम्‍ह परमेश्‍वरयात च्‍वछाया अले न्‍ह्याबलें म्‍वानादीम्‍हय्‌सित हनाबना व महिमा बिया। वय्‌कलं न्‍ह्याबलें राज्‍य यानादी अले वय्‌कःया राज्‍य पुस्‍तांनिसें पुस्‍ता तक दयाच्‍वनी।

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

व्‍यवस्‍था 32:4

वय्‌कः बल्‍लाःम्‍ह रक्षक खः, वय्‌कःया फुक्‍क ज्‍याखँ पूवं, अले न्‍यायनं जाः। वय्‌कः विश्‍वास याये बहःम्‍ह परमेश्‍वर खः। वय्‌कलं गुबलें द्वंकी मखु। पाय्‌छिगु व भिंगु जक वय्‌कलं यानादी।

प्रकाश 15:3

परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।