२ शमूएल 22:29 - नेवाः बाइबल

²⁹ हे परमप्रभु! छिं जिगु निंतिं मत च्‍याकादी छिं खिउँ मदय्‌काः जितः जः क्‍यनादी।

२ शमूएल 22:29 ပူးပေါင်းရင်းမြစ်များ

२ शमूएल 21:17

उबलय् सरूयाहया काय् अबीशै दाऊदयात ग्‍वाहालि यायेत वल। वं व पलिश्‍तीयात कय्‌काः स्‍यात। अनंलि दाऊदया मनूतय्‌सं इस्राएलया जः हे तनावनी धकाः ग्‍यानाः दाऊद इपिं नापं लडाइँलय् गुबलें वनी मखु धकाः वयागु न्‍ह्यःने पाफल।

१ राजा 11:36

जिगु नां तयेत ल्‍ययागु शहर यरूशलेमय् जिगु न्‍ह्यःने जिम्‍ह दास दाऊदया छप्‍वाः मत च्‍यानाच्‍वनेमा धकाः छगू कुल जिं वया काय्‌यात बी।

अय्‍यूब 29:3

उबलय् वय्‌कःया मत जिगु छ्यंया च्‍वय् थीगु। जि खिउँगुलिइ थुखे उखे वनेबलय् वय्‌कलं जितः जः बियादीगु।

भजनसंग्रहया सफू 112:4

भिंपिं मनूतय्‌गु निंतिं, दया दुपिं व दया माया दुपिं व धर्मी मनूतय्‌गु निंतिं खिउँगुलिइ जः थी।

भजनसंग्रहया सफू 18:28

हे परमप्रभु परमेश्‍वर! छिं जिगु निंतिं मत च्‍याकादी छिं खिउँ मदय्‌काः जितः जः क्‍यनादी।

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

भजनसंग्रहया सफू 4:6

यक्‍वसिनं न्‍यनाच्‍वंगु दु – “झीत सुनां भिंगु लँ क्‍यनाबी?” हे परमप्रभु! छिगु ख्‍वाःया जः जिमिके थीकादिसँ।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

भजनसंग्रहया सफू 97:11

धर्मीतय्‌गु निंतिं जः ह्वलातःगु दु, अले भिंपिं मनूतय्‌गु निंतिं लसता।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

मीका 7:9

परमप्रभुं जिगु पं कयाः न्‍ववानाः जिगु हक पक्‍का यानामदीतले जिं वय्‌कःयागु तंयात सहयाना च्‍वने। छाय्‌धाःसा जिं वय्‌कःया विरोधय् पाप यानागु दु। तर वय्‌कलं जितः पित हयाः जलय् हयादी। वय्‌कःयागु न्‍याय व धार्मिकता जिं स्‍वये दइ।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

यूहन्‍ना 12:46

संसारय् जि जः जुया वयाम्‍ह खः, उकिं जितः विश्‍वास याःपिं मनूत खिउँथाय् जुइ माली मखु।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।