२ शमूएल 22:17 - नेवाः बाइबल

¹⁷ वय्‌कलं आकाशं कुहां झायाः जितः ज्‍वनादिल। वय्‌कलं जितः तःजाःगु समुद्रं थकयादिल।

२ शमूएल 22:17 ပူးပေါင်းရင်းမြစ်များ

२ शमूएल 22:18

वय्‌कलं जितः जिमि बल्‍लाःपिं शत्रुतय्‌पाखें बचय् यानादिल, अले जितः महीपिं जि स्‍वयाः बल्‍लाःपिं फुक्‍कपाखें नं बचय् यानादिल।

भजनसंग्रहया सफू 130:1

हे परमप्रभु! जि तसकं दुःख सियाच्‍वनागुलिं तःसलं हालाः छिगु नां कयाच्‍वनागु दु।

भजनसंग्रहया सफू 144:7

स्‍वर्गं कुहां झासँ, तःजाःगु समुद्रं सालाः जितः थकयादिसँ अले बचय् यानादिसँ। परदेशीतय्‌गु ल्‍हातं जितः त्‍वःतकादिसँ।

भजनसंग्रहया सफू 18:16

वय्‌कलं स्‍वर्गं कुहां वयाः जितः ज्‍वनादिल। वय्‌कलं जितः तःजाःगु समुद्रं थकयादिल।

भजनसंग्रहया सफू 32:6

उकिं ई दनिबलय् हे छितः विश्‍वास याइपिन्‍सं छिगु प्रार्थना यायेमाः। अले दुःखकष्‍टया खुसिबाः वःसां इमित स्‍यंके फइ मखु।

प्रस्‍थान 2:10

मचा तःधिकः जुइ धुंकाः वं वयात फारोया म्‍ह्याय्‌याथाय् हल। फारोया म्‍ह्याय्‌नं मचायात थःकाय् नालाकाल। अले वं “जिं थ्‍वयात लखं लिकयागु खः” धकाः वयागु नां मोशा तल।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

विलाप 3:54

लखं जिगु छ्यं त्‍वपुल, जिं बिचाः याना, “आः जि सीगु जुल।”

प्रकाश 17:15

अले स्‍वर्गदूतं जितः हानं धाल – “छं खंगु मिसाया लिक्‍क दुगु लःयागु अर्थ देश देशयापिं मनूत, जात जातियापिं मनूत व थीथी भाषां नवाइपिं मनूतय्‌गु हुल खः।