२ शमूएल 22:11 - नेवाः बाइबल

¹¹ वय्‌कः करूबया म्‍हय् च्‍वनाः ब्‍वयाझाल। वय्‌कः फय्‌या पपुतिइ च्‍वनाः ब्‍वयाझाल।

२ शमूएल 22:11 ပူးပေါင်းရင်းမြစ်များ

उत्‍पत्ति 3:24

मनूयात पितिनाछ्वये धुंकाः परमेश्‍वरं जीवनया सिमायागु लँ पाखे पाः तयेत अदनया क्‍यबया पुर्बपाखे करूबत व प्‍यखें चाःहिलाच्‍वनीगु दनदन च्‍यानाच्‍वंगु तरवार तयादिल।

२ शमूएल 6:2

अले दाऊद उपिं मनूतनापं परमेश्‍वरया सनू हयेत यहूदाया बालां वन। व सनू करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुयागु खः।

भजनसंग्रहया सफू 104:3

छिं आकाशय् लःया द्यःने थःगु छेँ दय्‌कादीगु दु, छिं सुपाँय्‌यात थःगु रथ यानादीगु दु अले फय्‌यात पपू यानाः ब्‍वयादी।

भजनसंग्रहया सफू 139:9

पुर्बय् यक्‍व तापाक ब्‍वयावंसां वा पच्‍छिमय् तापाक समुद्रया सिथय् थ्‍यंक वंसां

भजनसंग्रहया सफू 18:10

वय्‌कः करूबया म्‍हय् च्‍वनाः ब्‍वयाः झाल। वय्‌कः फय्‌या पपुतिइ च्‍वनाः ब्‍वयाः झाल।

भजनसंग्रहया सफू 68:17

परमेश्‍वर थःगु बबल्‍लाःगु द्वलंद्वः रथया दथुइ च्‍वनाः परमेश्‍वर सीनै पहाडं पवित्र थासय् झाइ।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

भजनसंग्रहया सफू 99:1

परमप्रभु जुजु खः, मनूत ग्‍यायेमा। वय्‌कः करूबतय् दथुइ च्‍वनादीगु दु। पृथ्‍वी लिगिलिगि सनेमा।

प्रस्‍थान 25:19

करूबतय्‌त प्रायश्‍चितया कृपा-आसनया निखें सिथय् तयाब्‍यु। करूबतय्‌त व प्रायश्‍चितया कृपा-आसनयात छधी हे लुं दय्‌कि।

इजकिएल 9:3

इस्राएलया परमेश्‍वरया महिमा धाःसा करूबतय् च्‍वय्‌नं थाहां वनाः देगःया लुखाखलुइ वल। अले परमप्रभुं व सुतिया वसः फिनातःम्‍ह व मसी थल घानातःम्‍ह मनूयात थःथाय् सःतादिल,

हिब्रू 1:14

अय्‌सा स्‍वर्गदूतत धयापिं सु खः लय्? इपिं परमेश्‍वरयात सेवा याइपिं आत्‍मात खः। अले मुक्ति काइपिं मनूतय्‌त ग्‍वाहालि यायेत छ्वयाहःपिं खः।

१ शमूएल 4:4

अथे जुयाः इमिसं शीलोय् मनूत छ्वल अले करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुया बाचाया सनू हल। एलीया निम्‍ह काय्‌पिं होप्‍नी व पीनहास नं व सनू नापं हे वल।