२ शमूएल 21:9 - नेवाः बाइबल

⁹ दाऊदं इमित गिबोनीतय्‌गु ल्‍हातय् लःल्‍हाना बिल, अले इमिसं इमित परमप्रभुया न्‍ह्यःने डाँडाय् स्‍यानाः इमिगु सीम्‍ह यख्‍खानाबिल। इपिं न्‍हय्‌म्‍ह छकलं क्‍वय् कुतुंवन। इमित तछ्व लयेगु न्‍हापांगु दिनय् स्‍याःगु खः।

२ शमूएल 21:9 ပူးပေါင်းရင်းမြစ်များ

२ शमूएल 21:6

व हे मनूया घरानाया न्‍हय्‌म्‍ह मनूत जिमित ब्‍यु। अले परमप्रभुं ल्‍ययातःम्‍ह जुजु शाऊलया गिबाय् परमप्रभुयागु हे न्‍ह्यःने जिमिसं इमित स्‍यानाः निभालय् व फसय् तयाबी।” अनंलि जुजुं लिसः बिल, “जिं छिमित इपिं बी।”

२ शमूएल 6:17

इमिसं परमप्रभुया सनूयात पाल ग्‍वयाः थःथाय् दुने यंकाः पक्‍का यानातःगु थासय् तये यंकल। अले दाऊदं परमप्रभुया न्‍ह्यःने होमबलि व मेलबलि छाल।

२ शमूएल 6:21

दाऊदं मीकलयात थथे लिसः बिल, “छिमि अबु व वया घरानाया सुयागुं पलेसा जितः वय्‌कःया प्रजा इस्राएलया जुजु ल्‍ययादीम्‍ह परमप्रभुया न्‍ह्यःने थथे यानागु खः। परमप्रभुया न्‍ह्यःने जिं लसतां हने।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

प्रस्‍थान 9:31

अजिल स्‍वां व तछ्व बाली भज्‍यंक स्‍यन। छाय्‌धाःसा तछ्व बाली बुइ धुंकूगु व अजिल स्‍वां ह्वयेधुंकूगु खः।

प्रस्‍थान 9:32

छ्वबालि धाःसा बुयाः मवःगुलिं छुं मजू।

गन्‍ती 25:4

परमप्रभुं मोशायात धयादिल, “थुपिं मनूतय् सकल नायःतय्‌त ज्‍वँ! अले परमप्रभुया ग्‍यानपुसे च्‍वंगु तं इस्राएलीतपाखें चिलावनेमा धकाः परमप्रभुया न्‍ह्यःने इमित सकसिनं खंक सुयाः स्‍यानाब्‍यु।”

व्‍यवस्‍था 21:22

सुं मनुखं स्‍याना छ्वयेमाःगु पाप याःगुलिं छिमिसं वयात स्‍यानाः वयागु सीम्‍ह थामय् यख्‍खानाबिल धाःसा

रुथया सफू 1:22

थुकथं नाओमी थः मोआबी भौ रूथलिसें मोआव देशं लिहां वल। इपिं बेथलेहेमय् थ्‍यंबलय् तछ्व लयेगु ज्‍या नकतिनि शुरु जूगु खः।

१ शमूएल 15:33

तर शमूएलं धाल, “छंगु तरवारं यक्‍व मिसातय्‌त मस्‍त मदुपिं याः थें छिमि मां नं आः मस्‍त मदुम्‍ह जुइ।” अनंलि शमूएलं अगागयात परमप्रभुया न्‍ह्यःने गिलगालय् स्‍यात।