२ शमूएल 21:7 - नेवाः बाइबल

⁷ जुजुं दाऊद व शाऊलया काय् जोनाथनं परमप्रभुया न्‍ह्यःने पाफःगुलिं शाऊलया छय्, जोनाथनया काय् मपीबोशेतयात बचय् याना तल।

२ शमूएल 21:7 ပူးပေါင်းရင်းမြစ်များ

२ शमूएल 16:4

जुजुं सीबायात धाल, “स्‍व, मपीबोशेतया फुक्‍क सम्‍पत्ति छन्‍त दइ।” सीबां वयात धाल, “हे महाराज, जि ला छःपिनि दास जक खः। जितः ला छःपिनिगु दया जक दःसा गाइ।”

२ शमूएल 19:25

मपीबोशेत जुजुयात नापलायेत यरूशलेमं वःबलय् दाऊदं वयात धाल, “मपीबोशेत, छ जिनापं छाय् मवयागु?”

२ शमूएल 4:4

(शाऊलया काय् जोनाथनया छम्‍ह काय् दु, वयागु नां मपीबोशेत खः। यिजरेलपाखें शाऊल व जोनाथन स्‍यूगु खबर वःबलय् मपीबोशेत न्‍यादँ दुम्‍ह खः। व खँ न्‍यनाः वया अजि वयात क्‍वबियाः बिस्‍युं वंगु खः तर इपिं हथाय् चाचां बिस्‍युं वंबलय् मपीबोशेत लँय्‌दयाः खुत्‍यां जूगु खः। व निपा तुतिं खुत्‍यां काःम्‍ह खः।)

२ शमूएल 9:1

दाऊदं न्‍यन, “छु शाऊलया घरानाय् बचय् जूम्‍ह सुं दु ला, वयात जिं जोनाथनया कारणं माया याये फइ ला?”

२ शमूएल 9:10

छ, छिमि काय्‌पिं व च्‍यःतय्‌सं वयागु जग्‍गाय् बुँज्‍या यानाः उकिं वःगु अन्‍न छं छिमि मालिकया परिवारयात बीमाः। अले मपीबोशेत, छिमि मालिकया छय् नं न्‍ह्याबलें जिगु टेबिलय् च्‍वनाः नयेगु याइ।” (सीबाया झिंन्‍याम्‍ह काय् व निइम्‍ह च्‍यःत दु।)

२ शमूएल 9:6

जोनाथनया काय्, शाऊलया छय् मपीबोशेत दाऊदयाथाय् वल। अले वं क्‍वछुनाः जुजुयात भागि यात। दाऊदं वयात धाल, “मपीबोशेत!” वं लिसः बिल, “धयादिसँ, जि छिकपिनि दास थन हे दु।”

२ शमूएल 9:7

दाऊदं धाल, “ग्‍याये मते। जिं छन्‍त छिमि अबु जोनाथनया कारणं दया याये। जिं छिमि बाज्‍या शाऊलया जग्‍गा छन्‍त लितबी। अले छ जिनापं न्‍ह्याबलें हे टेबिलय् च्‍वनाः नयेगु जुइ।”

उपदेशक 8:2

जिं धाये, जुजुया आज्ञा मानय् या, छाय्‌धाःसा छं परमेश्‍वरया न्‍ह्यःने पाफःगु दु।

१ शमूएल 18:3

जोनाथनं दाऊदयात थःत थें हे मायायाःगुलिं जोनाथनं दाऊदनापं छगू बाचा चित।

१ शमूएल 20:12

जोनाथनं धाल, “दाऊद, परमप्रभु इस्राएलया परमेश्‍वरया न्‍ह्यःने जिं पाफयाः धाये, कंस थ्‍व हे इलय् जिं थः बौलिसे खँ ल्‍हाये, छिगु बारे वय्‌कःया बिचाः बांलासा जिं छितः खबर याये।

१ शमूएल 20:15

जिगु परिवारयात नं सदां दयाच्‍वनीगु दया माया यायेगु गुबलें त्‍वःतादी मते, परमप्रभुं पृथ्‍वीईं फुक्‍क छिगु शत्रुतय्‌त नाश याये धुंकूसां नं त्‍वःतादी मते।”

१ शमूएल 20:17

हाकनं छकः जोनाथनं दाऊदयात थः पक्‍का माया याये धकाः बाचा ल्‍हाकल छाय्‌धाःसा वं दाऊदयात थःत थें तुं माया याःगु खः।

१ शमूएल 20:42

अनंलि जोनाथनं दाऊदयात धाल, “याउँक हुँ, छ व जि अले छिकपिनि सन्‍तान व जिमि सन्‍तानया दथुइ सदां साक्षी जुयादीम्‍ह परमप्रभुया नामं झीसं बाचा चिनागु दु।” अले दाऊद याकनं हे अनं वन, जोनाथन धाःसा शहरय् तुं लिहां वन।

१ शमूएल 20:8

स्‍वयादिसँ, छपिनि दासयात सदां दयाच्‍वनीगु दयामाया यानादिसँ, छाय्‌धाःसा छि व जि परमप्रभुया न्‍ह्यःने बाचा चिनागु दु। जि दोषी जूसा छिं हे जितः स्‍यानादिसँ। छाय् जि छिमि बौया ल्‍हातं सी माल?”

१ शमूएल 23:18

थुपिं निम्‍हय्‌सिनं परमप्रभुया न्‍ह्यःने थःथवय् स्‍वापु तयाः पवित्र बाचा चीत। अले जोनाथन थःगु छेँ लिहां वन दाऊद धाःसा होरेशय् तुं च्‍वन।

१ शमूएल 24:22

अथे जुयाः दाऊदं शाऊलनापं अथे हे याये धकाः पाफल। अले शाऊल छेँ लिहां वन। दाऊद व वया मनूत धाःसा थः सुलाच्‍वंगु सुरक्षित थासय् तुं वन।