२ शमूएल 21:6 - नेवाः बाइबल

⁶ व हे मनूया घरानाया न्‍हय्‌म्‍ह मनूत जिमित ब्‍यु। अले परमप्रभुं ल्‍ययातःम्‍ह जुजु शाऊलया गिबाय् परमप्रभुयागु हे न्‍ह्यःने जिमिसं इमित स्‍यानाः निभालय् व फसय् तयाबी।” अनंलि जुजुं लिसः बिल, “जिं छिमित इपिं बी।”

२ शमूएल 21:6 ပူးပေါင်းရင်းမြစ်များ

उत्‍पत्ति 40:19

स्‍वन्‍हुया दुने हे फारों छिगु छ्यं ध्‍यनाबी, अले छितः थामय् यख्‍खाइ। झंगःपंक्षीतय्‌सं छिगु ला त्‍वाथं क्‍वात्तु क्‍वानाः नइ।’”

उत्‍पत्ति 40:22

मरि छुइम्‍ह नायःयात धाःसा यख्‍खानाः स्‍यात। थ्‍व फुक्‍क योसेफं धाःथें जुल।

२ शमूएल 17:23

थःम्‍हं बियागु सल्‍लाह मानय् मयाःगु अहीतोपेलं थुइकल अले वं थःगु गधाया म्‍हय् सामान चिनाः थःगु शहरपाखे थःगु हे छेँ तुं लिहां वन। वं थःगु छेँय् फुक्‍क मिलय् यानाः थः यग्‍गानाः सित। थुकथं व सित अले वयात वया हे अबुया चिहानय् थुनाबिल।

२ शमूएल 18:10

दाऊदया छुं मनूत मध्‍ये छम्‍हय्‌सिनं थ्‍व खनाः योआबयात थथे धाल, “धात्‍थें जिं अब्‍शालोमयात तःमागु सिमाया कचाय् यग्‍गानाच्‍वंगु खना।”

२ शमूएल 19:28

जिमि बाज्‍याया फुक्‍क घराना छिगु ल्‍हातं सीमाःपिं खः तर छिकपिनि दास जितः छिसं थःनापं हे नयेत्‍वने बियादिल। थुलिं तःधंगु दया दयाः नं जिं मेगु अप्‍वः छु आशा याये माल?”

१ इतिहास 12:3

इमि नायः गिबियाती शेमाहया काय्‌पिं अहीएजेर व वया ल्‍यूयाम्‍ह योआश खः। अले अज्‍मावेतया काय्‌पिं यजीएल व पलेत, बराकाह व अनातोती येहू,

एज्रा 6:11

“उलि जक मखु सुनां थ्‍व आज्ञा पालन याइ मखु वयागु छेँयागु थां लिकयाः वयात उकिं हे सुया यख्‍खानाब्‍यु धकाः जिं आज्ञा बी। थ्‍व अपराधया निंतिं वयागु छेँयात थुनाः द्वँ दय्‌काब्‍यु।

एस्‍तर 9:10

हम्‍मदाताया काय् यहूदीतय् शत्रु हामानया उपिं झिम्‍ह काय्‌पिं नं स्‍यानाबिल। अय्‌नं इमिगु धन-सम्‍पत्ति लुतय् मयाः।

मत्ती 27:5

वं वहःयागु म्‍वहः देगलय् वान्‍छ्वया थकल। अले वनाः यग्‍गानाः सित।

प्रेरित 13:21

अले इमिसं छम्‍ह जुजु फ्‍वन। अले परमेश्‍वरं पिइदँ तक बेन्‍यामीन कुलयाम्‍ह कीशया काय् शाऊल धाःम्‍हय्‌सित जुजु दय्‌कादिल।

व्‍यवस्‍था 21:22

सुं मनुखं स्‍याना छ्वयेमाःगु पाप याःगुलिं छिमिसं वयात स्‍यानाः वयागु सीम्‍ह थामय् यख्‍खानाबिल धाःसा

यहोशू 10:26

अनंलि यहोशूं इपिं जुजुपिन्‍त स्‍यात अले इमित न्‍यागू थामय् सुयाब्‍यु धकाः थः मनूतय्‌त आज्ञा बिल। इपिं सन्‍ध्‍याकाः ई तक थामय् हे यग्‍गानाच्‍वन।

यहोशू 8:29

वं ऐयाम्‍ह जुजुयात छगू थामं सुयाबिल अले वयात सन्‍ध्‍याकाः ई तक हे अन तया तल। सूर्य बिनावंगु इलय् वं वयागु म्‍हयात थामं क्‍वकयाः शहरयागु ध्‍वाखाया क्‍वय् वांछ्वयाबिल। इमिसं सीम्‍ह च्‍वय् ल्‍वहंयागु द्वं मुंकाबिल। व थौं तक द हे दनि।

१ शमूएल 10:1

शमूएलं छथल चिकं कयाः शाऊलया छेनय् प्‍वंकाबिल, अले वयात चुप्‍पा नयाः धाल, “परमप्रभुं छितः थः प्रजा इस्राएलीतय् जुजु अभिषेक यानादीगु दु।

१ शमूएल 10:24

शमूएलं मनूतय्‌त धाल, “स्‍वयादिसँ! परमप्रभुं ल्‍ययादीम्‍ह मनू थ्‍व हे खः। व थें ज्‍याःम्‍ह झीगु जातिइ मेपिं सुं हे मदु।” अनंलि उपिं सकलें मनूतय्‌सं ततःसलं थथे धकाः हाल, “जुजुया जय जुइमा!”

१ शमूएल 10:26

शाऊल नं गिबाय् थःगु छेँय् वन अले परमप्रभुं नुगलय् थ्‍यूपिं छुं बल्‍लाःपिं मनूत नं व नापं तुं वन।

१ शमूएल 11:4

खबर यायेत वंपिं मनूत शाऊलया गिबाय् वनाः थःगु खबर ब्‍यूबलय् अन च्‍वंपिं फुक्‍क मनूत तस्‍सलं ख्‍वल।

१ शमूएल 24:21

अथे जुयाः जिमि परिवारयात स्‍याये मखु अले जिगु नां जिमि अबुया घरानापाखें हुयाछ्वये मखु धकाः परमप्रभुया नामं छं पाफयाः धा।”

१ शमूएल 24:22

अथे जुयाः दाऊदं शाऊलनापं अथे हे याये धकाः पाफल। अले शाऊल छेँ लिहां वन। दाऊद व वया मनूत धाःसा थः सुलाच्‍वंगु सुरक्षित थासय् तुं वन।