२ शमूएल 21:16 - नेवाः बाइबल

¹⁶ अय्‌नं रफाया सन्‍तानत मध्‍ये छम्‍ह इश्‍बी-बनोबं, सुयाके स्‍वंगू व बागू किलोग्राम (३.५) कँय्‌यागु च्‍वका दुगु भाला दु, वं न्‍हूगु तरवार जँय् घानातःगु दु, वं दाऊदयात स्‍याये धकाः धाल।

२ शमूएल 21:16 ပူးပေါင်းရင်းမြစ်များ

उत्‍पत्ति 14:5

झिंप्‍यदँय् कदोर्लाओमेर व नाप दुपिं जुजुपिन्‍सं वयाः अस्‍तेरोत कर्णेमया रपाईतय्‌त, हामया जुजीतय्‌त, शावेकिर्यातैमया एमीतय्‌त

उत्‍पत्ति 6:4

उबलय् व वयां लिपा तक नं पृथ्‍वीइ नेफिलीमत दुगु खः। परमेश्‍वरया काय्‌पिं व मनूतय् म्‍ह्याय्‌पिनि पाखें मस्‍त दत। इपिं उबलय्‌या बल्‍लाःपिं व नांजाःपिं खः।

२ शमूएल 21:18

उकिया लिपा पलिश्‍तीतलिसें गोबय् लडाइँ जुल। उगु लडाइँलय् हूशाती सिब्‍बकैं छम्‍ह सफ नांयाम्‍ह रफाया सन्‍तानयात स्‍यात।

२ शमूएल 21:20

हानं गातय् नं लडाइँ जुल। अन ल्‍हाः व तुतिइ खुपु खुपु पतिंचा अर्थात निइप्‍यपु पतिंचा दुम्‍ह राक्षस थें च्‍वंम्‍ह छम्‍ह मनू दु। व नं रफाया सन्‍तान खः।

२ शमूएल 21:22

दाऊद व वया मनूतय्‌सं स्‍याःपिं थुपिं राक्षस थें च्‍वंपिं प्‍यम्‍ह गातया रफाया सन्‍तान खः।

२ शमूएल 5:18

पलिश्‍तीत वयाः रपाईमया ब्‍यासिइ न्‍यनावन।

गन्‍ती 13:22

इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।

गन्‍ती 13:28

तर अन च्‍वंपिं मनूत तसकं बल्‍लाः। इमिगु शहरत ततःधं। शहरतय् पःखाः ग्‍वयातःगु दु। उलि जक मखु – जिमिसं अन अनाकया सन्‍तान नं खना।

व्‍यवस्‍था 1:28

झीपिं गन वनेगु? झीसं छ्वयापिं मनूतय्‌सं ‘अनयापिं मनूत झीपिं स्‍वयाः बल्‍ला व तःधिकः, अनयागु शहरत ततःधं अले आकाश थ्‍यंक हे पःखाः ग्‍वयातःगु दु, अले जिमिसं अन अनाकीत नं खना’ धकाः धयाः जिमित ख्‍यात।”

व्‍यवस्‍था 2:10

(न्‍हापाया इलय् अन बल्‍लाःपिं, ल्‍याखय् अप्‍वः दुपिं अले अनाकीत थें ततःधिकःपिं एमीत च्‍वनाच्‍वंगु खः।

व्‍यवस्‍था 2:11

अनाकीतय्‌त थें इमित नं रपाई हे धाइगु। अय्‌नं मोआबीतय्‌सं इमित एमी धाइगु।

व्‍यवस्‍था 2:21

इपिं बल्‍लाः, ल्‍याखय् अप्‍वः अले अनाकीत थें ततःधिकः। अय्‌नं परमप्रभुं इमित अम्‍मोनीतय्‌गु न्‍ह्यःने नाश यानादिल। अम्‍मोनीतय्‌सं इमित पितिनाछ्वल अले इपिं इमिगु थासय् च्‍वंवल।

व्‍यवस्‍था 3:11

(रपाईतय् दकलय् लिपांम्‍ह मनू बाशानया जुजु ओग खः। वयागु नँयागु खाताया हाकः गुंगू कु अले ब्‍या प्‍यंगू कु दु। व खाता आः तक नं अम्‍मोनीतय्‌गु शहर रब्‍बाय् दनि।)

व्‍यवस्‍था 9:2

अनयापिं मनूत बल्‍लापिं व तःधिकःपिं अनाकीत खः। इमिगु खँ छिमिसं स्‍यू, अले इमिगु बारे थथे धाःगु नं छिमिसं न्‍यंगु दु, “अनाकीतय्‌गु न्‍ह्यःने दंवने फुम्‍ह सु दु?”

यहोशू 11:22

इस्राएलीतय्‌गु देशय् छम्‍ह नं अनाकीत ल्‍यं मन्‍त। गाजा, गात व अश्‍दोदय् जक छुं ल्‍यन।

यहोशू 15:14

कालेबं अनाकया स्‍वम्‍ह सन्‍तानतय्‌त शहरं लिनाछ्वल। इमिगु नां शेशै, अहीमन व तल्‍मै खः।

१ शमूएल 17:7

वयागु भालाया कथि कापः थायेगु तानया कथि थें च्‍वं। भालाया च्‍वामुसे च्‍वका नँयागु खः, व न्‍हय्‌गू किलोग्राम ति दु। वयागु ढाल क्‍वबिम्‍ह न्‍ह्यः न्‍ह्यः वन।