२ शमूएल 20:9 - नेवाः बाइबल

⁹ अले योआबं अमासायात धाल, “हे जिमि किजा अमासा, छन्‍त आराम हे दु जुइ मखु ला?” अले योआबं अमासायात चुप्‍पा नयेत जव ल्‍हातं वयागु दाह्री ज्‍वन।

२ शमूएल 20:9 ပူးပေါင်းရင်းမြစ်များ

२ शमूएल 15:5

अले सुं मनुखं वयात क्‍वछुनाः दण्‍डवत यायेत वइबलय् अब्‍शालोमं थःगु ल्‍हाः ब्‍वय्‌काः वयात घय्‌पुनाः चुप्‍पा नइगु।

२ शमूएल 17:25

अब्‍शालोमं योआबया थासय् अमासायात सेनापति दय्‌कल। व इस्राएली येतेरया काय् व योआबया मां सरूयाहया क्‍यहेँ अले नाहाशया म्‍ह्याय् अबीगेलया काय् खः।

२ शमूएल 18:29

जुजुं वयाके न्‍यन, “छु ल्‍याय्‌म्‍हम्‍ह अब्‍शालोमयात आराम दु ला?” अले अहीमासं लिसः बिल, “छसपोलया दास योआबं जुजुया सेवक व जि छिकपिनि दासयात छ्वयाहःगु खः। जिं ला तसकं खलबल जूगु खनागु दु, तर छु जूगु खः व धाःसा जिं मस्‍यू।”

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

१ राजा 2:32

जिमि बौ दाऊदं मसीकं योआबं निम्‍ह मनू स्‍याःगुलिं परमप्रभुं वयात सजाँय बियादी। योआबं थः स्‍वयाः भिंपिं निम्‍ह स्‍वजापिं मनूत इस्राएलया सेनापति नेरया काय् अबनेर व यहूदाया सेनापति येतेरया काय् अमासायात तरवारं स्‍याःगु खः।

भजनसंग्रहया सफू 55:21

वयागु सः घ्‍यः थें पिचुसे च्‍वं, नुगः धाःसा ल्‍वापुं जाः वयागु खँ घ्‍यः थें नाइसे च्‍वं, तरवार स्‍वयाः ज्‍वः।

हितोपदेश 26:23

चाया थलय् वहः सियातः थें दुष्‍ट मनूतय्‌गु म्‍हुतुसि चुल्‍लुसे च्‍वनी।

हितोपदेश 27:6

पासां नुगलय् स्‍याकूसां ग्‍याये म्‍वाः, तर शत्रुया चुप्‍पा नं ग्‍यानापुसे च्‍वनी।

यर्मिया 41:2

नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

मीका 7:2

विश्‍वास यायेबहःपिं मनूत पृथ्‍वीं नाश जुयावने धुंकल। छम्‍ह नं भिंम्‍ह मनू मदय् धुंकल। सकलें मनूत स्‍याये पालेत पियाच्‍वनीगु। दक्‍व मनूतय्‌सं जाः ह्वलाः थः दाजुकिजापिनिगु शिकार याइगु।

न्‍यायकर्ता 3:15

इस्राएलीतय्‌सं हाकनं परमप्रभुयात ख्‍वयाः बिन्‍ति यात। अले वय्‌कलं इमित बचय् याइम्‍ह छम्‍ह बेन्‍यामीनी गेराया काय् खवं ल्‍हाः छ्यलीम्‍ह एहूद बियादिल। इस्राएलीतय्‌सं वयात मोआबया जुजु एग्‍लोनयाथाय् कोसेलि बियाछ्वल।