२ शमूएल 20:3 - नेवाः बाइबल

³ दाऊद यरूशलेमय् थःगु दरबारय् थ्‍यंबलय् थःम्‍हं दरबार स्‍वयेत तयातःपिं झिम्‍ह मथ्‍याःपिं कलाःतय्‌त यंकाः मेगु छेँ कुनातल। वं इमित नयेत्‍वनेगु मिलय् यानाबिल, अय्‌नं इपिं नापं द्यं मवं। थुकथं इमित मसीतले हे कुनातल। इपिं भाःत मदुपिं मिसातय्‌सं थें जीवन हनाच्‍वने माल।

२ शमूएल 20:3 ပူးပေါင်းရင်းမြစ်များ

उत्‍पत्ति 40:3

अले वं इमित पिवाःतय् कप्‍तानया छेँय् दुगु झ्‍यालखानाय् कुनाबिल। योसेफयात नं अन हे कुनातःगु खः।

२ शमूएल 15:16

अथे जुयाः जुजु अनं वन। अले दरबारया बिचाःसंचाः याइपिं झिम्‍ह मथ्‍याःपिं कलाःपिं बाहेक वया परिवारया फुक्‍क मनूत नं वयागु ल्‍यूल्‍यू वन।

२ शमूएल 20:2

अय्‌जूगुलिं इस्राएलया मनूत दाऊदयात त्‍वःताः बिक्रीया काय् शेबाया ल्‍यूल्‍यू वन। तर यहूदाया मनूत धाःसा दाऊदनापं हे वन अले इपिं यर्दनंनिसें यरूशलेम तक हे दाऊदया ल्‍यूल्‍यू वन।