२ शमूएल 20:2 - नेवाः बाइबल

² अय्‌जूगुलिं इस्राएलया मनूत दाऊदयात त्‍वःताः बिक्रीया काय् शेबाया ल्‍यूल्‍यू वन। तर यहूदाया मनूत धाःसा दाऊदनापं हे वन अले इपिं यर्दनंनिसें यरूशलेम तक हे दाऊदया ल्‍यूल्‍यू वन।

२ शमूएल 20:2 ပူးပေါင်းရင်းမြစ်များ

२ शमूएल 19:15

अथे जुयाः जुजु यर्दनय् लिहां वल। अले यहूदायापिं मनूत जुजुयात नापलायेत व यर्दन खुसि उखेपाखे जुजुयात यंकेत गिलगालय् वल।

२ शमूएल 20:1

शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

२ शमूएल 20:21

व जिमिगु बिचाः मखु। तर एफ्राइमया पहाडया देशया छम्‍ह मनू, बिक्रीया काय् शेबा दाऊद जुजुया विरोध यायेत दंगु दु। व मनूयात जिमिगु ल्‍हातय् ब्‍यु अले जि थ्‍व शहर त्‍वःताः वने।” व मिसां योआबयात धाल, “शेबाया छ्यं पःखालं छिथाय् वांछ्वयाहइ।”

२ शमूएल 20:3

दाऊद यरूशलेमय् थःगु दरबारय् थ्‍यंबलय् थःम्‍हं दरबार स्‍वयेत तयातःपिं झिम्‍ह मथ्‍याःपिं कलाःतय्‌त यंकाः मेगु छेँ कुनातल। वं इमित नयेत्‍वनेगु मिलय् यानाबिल, अय्‌नं इपिं नापं द्यं मवं। थुकथं इमित मसीतले हे कुनातल। इपिं भाःत मदुपिं मिसातय्‌सं थें जीवन हनाच्‍वने माल।

१ राजा 12:20

यारोबाम लिहां वःगु खँ न्‍यनाः इस्राएलयापिं मनूतय्‌सं वयात छगू सभाय् सःतल, अले वयात इस्राएलयाम्‍ह जुजु ल्‍यल। यहूदा कुलयापिं मनूत जक दाऊदया परिवारनापं मिलय् जुयाच्‍वन।

२ इतिहास 10:17

तर रहबामं यहूदाया लागाय् च्‍वनाच्‍वंपिं इस्राएलीतय्‌त जक शासन यानाच्‍वन।

भजनसंग्रहया सफू 62:9

चिधंपिं मनूत छम्‍हू सासः जक खः। तःधंपिं मनूत पिनें खने दु थें मदु। लनास्‍वल धाःसा इपिं याउँसे च्‍वं, निम्‍हु फय् स्‍वयाः याउँसे च्‍वं।

हितोपदेश 17:14

ल्‍वापु धयागु लःया मूल तज्‍याये थें खः, उकिं थ्‍वयात न्‍यनावने न्‍ह्यः हे दिकाब्‍यु।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।