२ शमूएल 20:12 - नेवाः बाइबल

¹² उबलय् अमासाया सीम्‍ह हिया हि जुयाः मू लँया दथुइ लानाच्‍वंगु खः। अले व मनुखं सिपाइँतय् फुक्‍क पुचः अन हे च्‍वनाच्‍वंगु खन। अनंलि अनं वयाच्‍वंपिं फुक्‍क मनूत अमासाया सीम्‍ह दुथाय् दिनाच्‍वंगु खन। अनंलि वं अमासाया सीम्‍हयात मूलँय् दथुं साला यंकाः तापाक्‍क बुँइ वान्‍छ्वयाः कापतं त्‍वपुयाबिल।

२ शमूएल 20:12 ပူးပေါင်းရင်းမြစ်များ

२ शमूएल 17:25

अब्‍शालोमं योआबया थासय् अमासायात सेनापति दय्‌कल। व इस्राएली येतेरया काय् व योआबया मां सरूयाहया क्‍यहेँ अले नाहाशया म्‍ह्याय् अबीगेलया काय् खः।

२ शमूएल 2:23

तर असाहेल थुखे उखे वने मानय् मजुल। उकिं अबनेरं थःगु भालाया ल्‍युने च्‍वंगु चूं वयागु प्‍वाथय् सुयाबिल, अले भाला वया ल्‍यूनेपाखे पिचाल। अले व लँय् हे क्‍वदयाः सित। असाहेल क्‍वदयाः सीगु थासय् थ्‍यने धुंकाः फुक्‍क अन हे दित।

२ शमूएल 20:11

योआबया मनूत मध्‍ये छम्‍हय्‌सिनं अमासाया सीम्‍ह लिक्‍क दनाः तःसलं थथे धाल, “योआब व दाऊदया पाखेयापिं फुक्‍कं योआबया ल्‍यूल्‍यू हुँ।”

२ शमूएल 20:13

सीम्‍हयात मू लँया दथुं सालायंके धुंकाः फुक्‍क मनूत बिक्रीया काय् शेबायात लीत योआबया ल्‍यूल्‍यू वन।

भजनसंग्रहया सफू 55:23

तर हे परमेश्‍वर, छिं दुष्‍टतय्‌त विनाशया गालय् क्‍वफानादी। मनू स्‍यानाजुइपिं व फताहात मत्‍यवं हे सिनावनी। तर जिं ला छितः विश्‍वास यानाच्‍वने, हे परमेश्‍वर!

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला