२ शमूएल 20:10 - नेवाः बाइबल

¹⁰ अमासां योआबयाके ल्‍हातय् चुपि दुगु खँ वास्‍ता हे याये मफुत। योआबं वयागु प्‍वाथय् चुपिं सुयाबिल अले आतापुति पिहां वयाः बँय् कुतुंवन। वं हाकनं सुइ म्‍वाल छाय्‌धाःसा व सी धुंकल। अनंलि योआब व वया किजा अबीशैनं बिक्रीया काय् शेबायात ल्‍यू वन।

२ शमूएल 20:10 ပူးပေါင်းရင်းမြစ်များ

उत्‍पत्ति 4:8

अले कयिनं थःकिजा हाबिलयात धाल, “बुँइ वनेनु।” बुँइ थ्‍यंकाः कयिनं थःकिजा हाबिलयात हय्‌काल, अले स्‍यानाबिल।

२ शमूएल 2:23

तर असाहेल थुखे उखे वने मानय् मजुल। उकिं अबनेरं थःगु भालाया ल्‍युने च्‍वंगु चूं वयागु प्‍वाथय् सुयाबिल, अले भाला वया ल्‍यूनेपाखे पिचाल। अले व लँय् हे क्‍वदयाः सित। असाहेल क्‍वदयाः सीगु थासय् थ्‍यने धुंकाः फुक्‍क अन हे दित।

२ शमूएल 20:9

अले योआबं अमासायात धाल, “हे जिमि किजा अमासा, छन्‍त आराम हे दु जुइ मखु ला?” अले योआबं अमासायात चुप्‍पा नयेत जव ल्‍हातं वयागु दाह्री ज्‍वन।

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

१ इतिहास 12:2

इमिसं जव व खव ल्‍हातं धनुष वाण कय्‌के फु। अथे हे थुमिसं जव व खव ल्‍हाः छ्यलाः कप्‍तांचां ल्‍वहँ कय्‌के फु। इपिं बेन्‍यामीन कुलयापिं शाऊलया थःथिति खः।

यर्मिया 41:2

नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

गन्‍ती 35:20

अथे हे, सुनानं सुयातं तमय् घ्‍वानाः, छुकिंनं कय्‌का स्‍यात धाःसा

न्‍यायकर्ता 3:15

इस्राएलीतय्‌सं हाकनं परमप्रभुयात ख्‍वयाः बिन्‍ति यात। अले वय्‌कलं इमित बचय् याइम्‍ह छम्‍ह बेन्‍यामीनी गेराया काय् खवं ल्‍हाः छ्यलीम्‍ह एहूद बियादिल। इस्राएलीतय्‌सं वयात मोआबया जुजु एग्‍लोनयाथाय् कोसेलि बियाछ्वल।

न्‍यायकर्ता 3:21

एग्‍लोन थः च्‍वनाच्‍वंगु थासं दन अले एहूदं थःगु खव ल्‍हातं जव खम्‍पाय् दुगु तरवार पिकयाः वयागु प्‍वाथय् सुयाबिल।

१ शमूएल 26:8

अबीशैनं दाऊदयात धाल, “थौं छिकपिनि शत्रुयात परमेश्‍वरं छिगु ल्‍हातय् लःल्‍हानादीगु जुयाच्‍वन। जितः उजं बियादिसँ, भालां सुयाः छक्‍कलं हे वयात बँय् तियाबी। जिं निक्‍वः सुइ हे माली मखु।”