२ शमूएल 20:1 - नेवाः बाइबल

¹ शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

२ शमूएल 20:1 ပူးပေါင်းရင်းမြစ်များ

उत्‍पत्ति 46:21

बेन्‍यामीनया काय्‌पिं – बेला, बेकेर, अश्‍बेल, गेरा, नामान, एही, रोश, मुप्‍पीम, हुप्‍पीम व आर्द।

२ शमूएल 15:10

अनंलि अब्‍शालोमं फुक्‍क इस्राएलया कुलतय्‌थाय् थथे धकाः खबर बियाः गुप्‍त दूतत छ्वल, “छिमिसं तुरही पुगु सः न्‍यनीबलय् तःसलं थथे धा, ‘अब्‍शालोम हेब्रोनया जुजु जुल!’”

२ शमूएल 16:11

दाऊदं अबीशै व वया फुक्‍क हाकिमतय्‌त धाल, “जिमि थः हे काय्‌नं ला जितः स्‍यायेत स्‍वयाच्‍वंगु दु धाःसा थ्‍व बेन्‍यामीनीं छाय्‌ थथे मयाइ धकाः? वयात छुं याये मते अले वं सराः बीमा। छाय्‌धाःसा परमप्रभुं ‘हे वयात अथे या’ धकाः धाःगु जुइफु।

२ शमूएल 16:7

शिमीं दाऊदयात थथे धयाः सराः बिल, “हुँ, हुँ, अय् बदमाश! अय् ज्‍यानमारा!

२ शमूएल 18:17

अले इमिसं अब्‍शालोमया सीम्‍हयात यंकाः जंगलया तःधंगु गालय् वान्‍छ्वयाः उकी द्यःने ल्‍वहं द्वँचिनाबिल। अबलय् हे फुक्‍क इस्राएलीत थथःगु छेँय् बिस्‍युं वन।

२ शमूएल 20:2

अय्‌जूगुलिं इस्राएलया मनूत दाऊदयात त्‍वःताः बिक्रीया काय् शेबाया ल्‍यूल्‍यू वन। तर यहूदाया मनूत धाःसा दाऊदनापं हे वन अले इपिं यर्दनंनिसें यरूशलेम तक हे दाऊदया ल्‍यूल्‍यू वन।

२ शमूएल 20:22

अनंलि व मिसा वन अले फुक्‍क मुनाच्‍वंपिं मनूतय्‌त थःगु बुद्धिया सल्‍लाह न्‍यंकल। अले इमिसं बिक्रीया काय् शेबाया छ्यं ध्‍यनाः योआबया न्‍ह्यःने वांछ्वयाबिल। अनंलि योआबं तुरही पुल, अले फुक्‍क सिपाइँत शहर त्‍वःताः थथःगु छेँय् लिहां वन। योआब धाःसा जुजुयाथाय् यरूशलेमय् लिहां वन।

२ शमूएल 23:6

तर मभिंपिं मनूत फुक्‍क कं थें वांछ्वइ, सुनानं व कंमायात खालि ल्‍हातं मुंके फइ मखु।

१ राजा 12:16

जुजुं थःगु खँ मन्‍यंगु खनाः फुक्‍क इस्राएल चिल्‍लाय् दनाः हाल, “छु झीपिं दाऊदया परिवारया ब्‍वः खः ला? यिशैया काय्‌याके झीगु छुं अधिकारया भाग मदु। हे इस्राएल, थथःगु पालय् हुँ! हे दाऊद, छं थःगु हे छेँ स्‍व!” अनंलि इस्राएलयापिं मनूत थथःगु छेँय् वन।

१ राजा 21:10

मेखेपाखे निम्‍ह लुच्‍चापिं मनूतय्‌त फेतुकाः वं परमेश्‍वर व जुजुयात सराः ब्‍यूगु दु धकाः धाय्‌की। अनंलि वयात पिने यंकाः ल्‍वहँतं कय्‌काः स्‍यानाब्‍यु।”

२ इतिहास 10:16

जुजुं थःगु खँ मन्‍यंगु खनाः मनूत चिल्‍लाय् दनाः हाल, “छु जिपिं दाऊदया वंशया भाग खः ला? यिशैया काय्‌याके जिमिगु छु भाग दु? हे इस्राएल, थथःगु पालय् हुँ। हे दाऊद, थःगु घरानाया धन्‍धा का।” उकिं उत्तरयापिं सकल इस्राएलीत थथःगु छेँ वन।

२ इतिहास 10:6

रहबाम जुजुं थः अबु सोलोमन म्‍वानाच्‍वंबलय् वयात सल्‍लाहबीपिं बुरापिं मनूतलिसें खँ ल्‍हात। वं इमित न्‍यन, “थुपिं मनूतय्‌त जिं छु लिसः बीगु, छिकपिनिगु छु सल्‍लाह दु?”

भजनसंग्रहया सफू 17:13

हे परमप्रभु! झासँ, जिमि शत्रुतय्‌गु विरोधय् छुं यानादिसँ अले इमित बुकादिसँ। दुष्‍टतपाखें जितः छिगु तरवारं बचय् यानादिसँ।

भजनसंग्रहया सफू 34:19

भिं मनूतय्‌त यक्‍व दुःख वयेफु, अय्‌नं परमप्रभुं इपिं फुक्‍कसित फुक्‍क दुःखं उद्धार यानादी।

हितोपदेश 25:8

थःम्‍हं खंगु खँयात हथाय् चायाः अदालतय् यंके मते। मेम्‍ह साक्षीं वयाः छंगु खँ फताहा साबित यानाबिल धाःसा मछालापुका च्‍वनेमाली।

हितोपदेश 26:21

बुलुमिया निंतिं ह्यंग्‍वाः, मिया निंतिं सिँ थें ल्‍वापुया निंतिं ल्‍वापुखिचा!

मर्कूस 3:24

गुगुं नं देशय् थःथवय् हे ल्‍वापु जुल धाःसा व देश स्‍यनावनी।

लूका 19:14

अन च्‍वंपिं मनूतय्‌सं धाःसा वयात मिखां हे स्‍वयेमास्‍ति मवः। व वने धुंकाः इमिसं मनूत छ्वयाः ‘थ्‍व मनू जिमि जुजु जुइगु जिमित मयः’ धकाः धाय्‌के छ्वल।

लूका 19:27

जितः जुजु मयायेत संपिं जिमि शत्रुतय्‌त हयाः जिगु न्‍ह्यःने हे स्‍या।’”

यूहन्‍ना 13:8

वं धाल – “छिं जिगु तुति सिलादी जि हे मज्‍यू।” अले वय्‌कलं लिसः बियादिल – “जिं छंगु तुति मस्‍यूसा छ जिम्‍ह जुइ फइ मखु।”

व्‍यवस्‍था 13:13

छिमिगु दथुं मभिंपिं पिहां वयाः थःगु शहरयापिं मनूतय्‌त “इमिसं न्‍हापा म्‍हमस्‍यूपिं द्यःतय्‌त पुजा याये नु” धकाः हेय्‌कूगु दु धइगु खँ छिमिसं न्‍यनेदत धाःसा

न्‍यायकर्ता 19:22

इपिं न्‍ह्यइपुका च्‍वंबलय् हे आकाझाकां व शहरयापिं छुं मभिंपिं मनूत वयाः व छेँयात घेरय् यात। खापाय् घारा घारा यानाः इमिसं व छेँयाम्‍ह बुराम्‍ह थुवाःयात धाल, “छंगु छेँय् दुहां वःम्‍ह मनूयात पिका, जिमित वलिसें लसपस याये मास्‍ति वः।”

न्‍यायकर्ता 3:27

अले एफ्राइमया पहाडी देशय् थ्‍यनेधुंकाः वं तुरही पुल। अले इस्राएलीत पहाडं क्‍वहां वल। वं इमित न्‍ह्यः न्‍ह्यः तल।

रुथया सफू 2:3

उकिं रुथं ज्‍यामितय्‌गु ल्‍यूल्‍यू जुयाः तछ्वगुँइँ मुना जुल। थथे जुल तछ्वगुँइँ मुनेत व एलीमेलेकया थःलाःम्‍ह बोअजया बुँइ थ्‍यन।

१ शमूएल 13:2

शाऊलं स्‍वद्वः मनूत ल्‍यल अले थःनापं मिकमाशय् व बेथेलया पहाडया देशय् निद्वः तल अले थःकाय् जोनाथननापं बेन्‍यामीन कुलया इलाका दुने गिबाय् द्वःछि छ्वत। अले ल्‍यंदुपिं मनूतय्‌त धाःसा वं छेँ तुं लित छ्वयाबिल।

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।

१ शमूएल 30:22

तर दाऊदनापं वंपिं गुलिखय् लुच्‍चापिं व खलबल याइपिं मनूतय्‌सं वयात थथे धकाः मभिंकल, “थुपिं मनूत झीनापं वःगु मदु। झीसं लिफ्‍याना हयागु मालताल जिमिसं इमित छुं नं बी मखु। इमिसं थथःम्‍ह कलाः व काय्‌म्‍ह्याय् जक यंकीमा।”