२ शमूएल 2:4 - नेवाः बाइबल

⁴ अले यहूदाया मनूत हेब्रोनय् वल अले दाऊदयात अन यहूदाया घरानाया जुजु कथं अभिषेक यात। याबेश-गिलादया मनूतय्‌सं शाऊलयात थुनाब्‍यूगु खः धयागु खँ दाऊदयात न्‍यंकल।

२ शमूएल 2:4 ပူးပေါင်းရင်းမြစ်များ

२ शमूएल 19:11

अले दाऊद जुजुं पुजाहारीत सादोक व अबियाथारयात थथे धकाः खबर छ्वयाहल, “यहूदाया थकालितय्‌त न्‍यँ, ‘जुजुयात वय्‌कःया दरबारय् हयेत छाय् लिबाका च्‍वनागु? छाय्‌धाःसा फुक्‍क इस्राएलीतय्‌गु बिचाः जुजुया छेँय् थ्‍यने धुंकल।

२ शमूएल 19:42

यहूदाया फुक्‍क मनूतय्‌सं लिसः बिल, “छाय्‌धाःसा महाराज जिमि थःलाःम्‍ह खः। छि छाय् तंम्‍वयादियागु? छु जिमिसं जुजुया धन नयागु दु ला? छु जिमिसं छुं कोसेलि थःपिनिगु निंतिं कयागु दु ला?”

२ शमूएल 2:11

अले दाऊदं इमित हेब्रोनय् न्‍हय्‌दँ व खुला तक शासन यात।

२ शमूएल 2:7

बल्‍ला व मग्‍याःम्‍ह जु छाय्‌धाःसा छिमि मालिक शाऊल सीगु दु अले यहूदाया मनूतय्‌सं जितः थः जुजु अभिषेक याःगु दु।”

२ शमूएल 21:11

शाऊलया मथ्‍याःम्‍ह कलाः अय्‌याया म्‍ह्याय् रिश्‍पां याःगु फुक्‍क खँ दाऊदयात न्‍यंकल।

२ शमूएल 21:12

अले व वनाः शाऊल व वया काय् जोनाथनया क्‍वँय् याबेश-गिलादया मनूतपाखें हल। (उपिं क्‍वँय् याबेश-गिलादया मनूतय्‌सं पलिश्‍तीतय्‌सं शाऊलयात गिल्‍बोय् त्‍याकूगु दिनय् यख्‍खाःगु थाय् बेथ-शानया चुकं खुयायंकूगु खः।)

२ शमूएल 5:17

दाऊद इस्राएल न्‍यंकयाम्‍ह जुजु जूगु खँ न्‍यनाः पलिश्‍तीतय्‌सं वयात ज्‍वनेत थः सकल सेना छ्वल। थ्‍व खँ न्‍यनाः दाऊद किल्‍लाय् क्‍वहां वन।

२ शमूएल 5:3

इस्राएलयापिं सकल थकालित हेब्रोनय् जुजु दाऊदयाथाय् वल। दाऊदं इपिंलिसें परमप्रभुया न्‍ह्यःने बाचा चिन। इमिसं दाऊदयात इस्राएलया जुजु अभिषेक यात।

२ शमूएल 5:5

थथे धयागु, वं हेब्रोनं यहूदाय् न्‍हय्‌दँ व खुला अले यहूदा व इस्राएलय् निगू थासय् यानाः यरूशलेमय् स्‍विस्‍वदँ शासन यात।

२ राजा 11:12

अले यहोयादां योआश, जुजुया काय्‌यात पिने हयाः श्रीपेच पुइकाबिल। अले वं वयात बाचाया साक्षी पौ बियाः जुजु घोषणा यात। इमिसं वयात अभिषेक यात। अले मनूत ल्‍हाःपा थाथां थथे धकाः हाल, “जुजु न्‍ह्याबलें म्‍वानाच्‍वनेमा।”

१ इतिहास 10:11

पलिश्‍तीतय्‌सं शाऊलयात छु छु याःगु व फुक्‍क खँ याबेश-गिलादयापिं मनूतय्‌सं न्‍यन।

१ इतिहास 11:3

इस्राएलयापिं सकल थकालित हेब्रोनय् जुजु दाऊदयाथाय् वल। दाऊदं इपिंलिसें परमप्रभुया न्‍ह्यःने बाचा चिन। परमप्रभुं शमूएलया म्‍हुतुं धयादीगु थें हे इमिसं दाऊदयात इस्राएलया जुजु अभिषेक यात।

१ इतिहास 12:23

परमप्रभुं धयादीगु थें शाऊलया राज्‍य दाऊदया ल्‍हातय् बीत हेब्रोनय् ल्‍वाभः घानाः दाऊदलिसे मिलय् जूवःपिं मनूतय्‌गु ल्‍याः थथे दु –

१ शमूएल 16:13

शमूएलं नेकुलिं चिकं कयाः वया दाजुपिनिगु न्‍ह्यःने हे वयात अभिषेक यात। उखुन्‍हुनिसें परमप्रभुया आत्‍मा दाऊदयाके वल। अनंलि शमूएल दनाः रामाया लँपु जुयाः वन।