२ शमूएल 2:32 - नेवाः बाइबल

³² इमिसं असाहेलयात क्‍वबिया यंकल, अले बेथलेहेमय् वयागु अबुया चिहानय् थुन। अनंलि योआब व वया मनूत चच्‍छि न्‍यासि वनाः सुथय् खिउँ खिउँ धाबलय् हेब्रोनय् थ्‍यंकः वल।

२ शमूएल 2:32 ပူးပေါင်းရင်းမြစ်များ

उत्‍पत्ति 47:29

इस्राएलं थः सीत्‍यय्‌काः थःकाय् योसेफयात सःताः धाल, “छं जितः धात्‍थें हे माया यानागु खःसा जितः थन मिश्रय् थुने मखु धकाः बचं ब्‍यु।

उत्‍पत्ति 47:30

जि सी धुंकाः जितः थनं यंकाः जिमि बौ बाज्‍यापिं थुनातःथाय् हे थुनाब्‍यु।” वं धाल, “जिं छिं धाःथें हे याये।”

२ शमूएल 2:31

तर दाऊदया पुचलं अबनेरया ल्‍यूल्‍यू वंपिं बेन्‍यामीनीतय् स्‍वसः व खुइम्‍ह मनूत स्‍याःगु खः।

२ शमूएल 5:1

इस्राएलयापिं सकल मनूत हेब्रोनय् दाऊदयाथाय् मुंवयाः वयात थथे धाल, “जिपिं छिगु हे ला व हि खः।

२ इतिहास 16:14

दाऊदया शहरय् वयात वं थःम्‍हं थःगु निंतिं ल्‍वहं कियाः दय्‌कातःगु चिहानय् थुनाबिल। इमिसं वयात थीथी कथंयागु नस्‍वाःगु मसलां जाःगु खाताय् तयाबिल। व मसला अत्तर दय्‌कीपिन्‍सं बांलाक तयार याःगु खः। अले इमिसं वयागु लुमन्‍तिइ ह्वाना ह्वाना मि च्‍याकल।

२ इतिहास 21:1

यहोशापात सित। वयात वया पुर्खात थुंगु थाय् दाऊदया शहरय् थुनाबिल। वयागु थासय् वया काय् यहोराम जुजु जुल।

हितोपदेश 22:29

छिमिसं थःगु ज्‍याय् जाःम्‍ह मनूयात खं ला? वं लाःलाःपिं मनूतय्‌गु ज्‍या यायेगु स्‍वयाः जुजुयागु ज्‍या याइ।

न्‍यायकर्ता 8:32

योआशया काय् गिदोन तसकं बुरा जूबलय् सित, अले वयात वया अबुया सीगालय् अबीएजेरीतय्‌गु ओप्राय् थुन।

१ शमूएल 17:58

शाऊलं वयात न्‍यन, “अय् ल्‍याय्‌म्‍ह मचा, छ सुया काय् खः?” दाऊदं लिसः बिल, “जि छसपोलया दास बेथलेहेमय् च्‍वंम्‍ह यिशैया काय् खः।”