२ शमूएल 2:28 - नेवाः बाइबल

²⁸ अले योआबं तुरही पुल, अले फुक्‍क मनूतय्‌सं इस्राएलीतय्‌त लियेगु त्‍वःतल। अनंलि लडाइँ दित।

२ शमूएल 2:28 ပူးပေါင်းရင်းမြစ်များ

२ शमूएल 18:16

अनंलि योआबं तुरही पुल, अले सिपाइँतय्‌सं इस्राएलीतय्‌त लिइगु त्‍वःतल छाय्‌धाःसा योआबं सिपाइँतय्‌त अथे याये मते धकाः पंगु खः।

२ शमूएल 2:27

योआबं लिसः बिल, “धात्‍थें म्‍वाःम्‍ह परमेश्‍वरया नामं जिं धाये, छं मधाःगु जूसा मनूत सुथय् तक हे मनूतय्‌सं थःथितिपिन्‍त लिनाजुइगु त्‍वःति मखु।”

२ शमूएल 20:22

अनंलि व मिसा वन अले फुक्‍क मुनाच्‍वंपिं मनूतय्‌त थःगु बुद्धिया सल्‍लाह न्‍यंकल। अले इमिसं बिक्रीया काय् शेबाया छ्यं ध्‍यनाः योआबया न्‍ह्यःने वांछ्वयाबिल। अनंलि योआबं तुरही पुल, अले फुक्‍क सिपाइँत शहर त्‍वःताः थथःगु छेँय् लिहां वन। योआब धाःसा जुजुयाथाय् यरूशलेमय् लिहां वन।

२ शमूएल 3:1

शाऊलया घराना व दाऊदया घरानाया दथुइ यक्‍व दिं तक लडाइँ जुयाच्‍वन। दाऊद झन झन बल्‍लानावन, अले शाऊलया घराना धाःसा झन झन बमलाना वन।

१ शमूएल 13:3

जोनाथनं गेबाय् च्‍वंगु पलिश्‍तीतय्‌गु छाउनी हमला यात। थुकिया खबर पलिश्‍तीतय्‌गु दथुइ थ्‍यन। अले शाऊलं “फुक्‍क हिब्रूत न्‍यँ” धकाः देय्‌न्‍यंक तुरही पुइकल।