२ शमूएल 2:27 - नेवाः बाइबल

²⁷ योआबं लिसः बिल, “धात्‍थें म्‍वाःम्‍ह परमेश्‍वरया नामं जिं धाये, छं मधाःगु जूसा मनूत सुथय् तक हे मनूतय्‌सं थःथितिपिन्‍त लिनाजुइगु त्‍वःति मखु।”

२ शमूएल 2:27 ပူးပေါင်းရင်းမြစ်များ

२ शमूएल 2:14

अबनेरं योआबयात चिल्‍लाय् दनाः धाल, “छिमि व जिमि ल्‍याय्‌म्‍हपिं मनूत मध्‍ये सुं वयाः जिमिगु न्‍ह्यःने छम्‍ह छम्‍ह यानाः ल्‍वाये ज्‍यू ला?” योआबं लिसः बिल, “ज्‍यू, इमिसं अथे हे याये धकाः धाल।”

२ शमूएल 2:26

अबनेरं तःसलं हालाः योआबयात धाल, “छु स्‍यायेगु पालेगु यानां हे तुं च्‍वनेगु ला? उकिया लिच्‍वः लिपा तसकं बांमलाइ धकाः छं मस्‍यू ला? थःथितिपिन्‍त लियेगु त्‍वःति धकाः छु छं थः मनूतय् लित हये मखु ला?”

२ शमूएल 2:28

अले योआबं तुरही पुल, अले फुक्‍क मनूतय्‌सं इस्राएलीतय्‌त लियेगु त्‍वःतल। अनंलि लडाइँ दित।

अय्‍यूब 27:2

“गथे परमेश्‍वर म्‍वाःम्‍ह खः, गुम्‍हय्‌सिनं जिगु अधिकार लाकाकाल, अले दक्‍व शक्ति दुम्‍ह परमेश्‍वरया नामय्, गुम्‍हय्‌सिनं जिगु मनयात म्‍हाइपुकाबिल।

हितोपदेश 15:1

नाइसे च्‍वंगु लिसलं तं क्‍वलाइ, तर छाःगु लिसलं तंयात ग्‍वाकी।

हितोपदेश 17:14

ल्‍वापु धयागु लःया मूल तज्‍याये थें खः, उकिं थ्‍वयात न्‍यनावने न्‍ह्यः हे दिकाब्‍यु।

हितोपदेश 20:18

भिंगु सल्‍लाह का, अले ताःलाइ, सल्‍लाह मकायेकं ल्‍वाःवने मते।

हितोपदेश 25:8

थःम्‍हं खंगु खँयात हथाय् चायाः अदालतय् यंके मते। मेम्‍ह साक्षीं वयाः छंगु खँ फताहा साबित यानाबिल धाःसा मछालापुका च्‍वनेमाली।

यशैया 47:7

छं धाल, ‘जि सदांया निंतिंया रानी जुयाच्‍वने।’ तर छं थुपिं खँय् बिचाः मयाः, अले लिपा छु जुइ धकाः नं बिचाः मयाः।

१ शमूएल 25:26

“आः हे जिमि प्रभु, ल्‍वापु ख्‍याःपु यानाः हि हायेकेगु व बदला कायेगु खँय् छितः परमप्रभुं पनादीगु दु। धात्‍थें परमप्रभु छिकपिनि परमेश्‍वर म्‍वाःम्‍ह खः थें, अले छि म्‍वाःम्‍ह खः थें, जिं धाये, छपिनि शत्रुतय्‌गु व छिकपिनिगु नाश जुइगु यय्‌कीपिनिगु गति नाबालया थें हे जुइमा।