२ शमूएल 2:23 - नेवाः बाइबल

²³ तर असाहेल थुखे उखे वने मानय् मजुल। उकिं अबनेरं थःगु भालाया ल्‍युने च्‍वंगु चूं वयागु प्‍वाथय् सुयाबिल, अले भाला वया ल्‍यूनेपाखे पिचाल। अले व लँय् हे क्‍वदयाः सित। असाहेल क्‍वदयाः सीगु थासय् थ्‍यने धुंकाः फुक्‍क अन हे दित।

२ शमूएल 2:23 ပူးပေါင်းရင်းမြစ်များ

२ शमूएल 2:24

योआब व अबीशैनं धाःसा अबनेरयात लिना हे च्‍वन। निभाः बीवं इपिं अम्‍मा डाँडाय् थ्‍यन। अम्‍मा डाँडा गिबोनया मरुभूमिइ वनीगु लँय् दुगु गीहया पुर्बय् लाः।

२ शमूएल 20:10

अमासां योआबयाके ल्‍हातय् चुपि दुगु खँ वास्‍ता हे याये मफुत। योआबं वयागु प्‍वाथय् चुपिं सुयाबिल अले आतापुति पिहां वयाः बँय् कुतुंवन। वं हाकनं सुइ म्‍वाल छाय्‌धाःसा व सी धुंकल। अनंलि योआब व वया किजा अबीशैनं बिक्रीया काय् शेबायात ल्‍यू वन।

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ शमूएल 3:30

अथे हे गिबोनया लडाइँलय् अबनेरं इमि किजा असाहेलयात स्‍याःगुलिं योआब व वया किजा अबीशैनं अबनेरयात स्‍याःगु खः।

२ शमूएल 4:6

अले इपिं छ्व काःवंगु थें यानाः छेँ दुने दुहां वन, छेँ दुने दुहां वने धुंकाः इपिं ईश्‍बोशेतया क्‍वथाय् तक वन। अन न्‍हिनय् आराम कयाः च्‍वंम्‍ह ईश्‍बोशेतया प्‍वाथय् इमिसं चुपिं सुयाबिल। इमिसं वयात स्‍यानाबिल अले इमिसं वयागु छ्यं द्यनाबिल। अले छ्यं ज्‍वनाः यर्दनया ब्‍यासि जुयाः चच्‍छि न्‍यासि वन।

२ शमूएल 5:6

दाऊद जुजु व सकल इस्राएलीत वनाः यरूशलेम शहरय् हमला यात। उबलय् अन यबूसीत च्‍वनाच्‍वंगु खः। यबूसीतय्‌सं दाऊदयात धाल, “छ थ्‍व शहरय् दुहां वये फइ मखु। कांपिं व खुत्‍यांपिन्‍सं नं छन्‍त ख्‍यानाछ्‌वइ।” इमिसं थथे बिचाः यात दाऊद गुबलें नं थन दुहां वये फइ मखु।