२ शमूएल 19:8 - नेवाः बाइबल

⁸ अनंलि जुजु दनाः वनाः शहरया ध्‍वाखा लिक्‍क च्‍वंवन। अले फुक्‍क मनूतय्‌सं “जुजु ध्‍वाखा लिक्‍क च्‍वनाच्‍वंगु दु” धकाः न्‍यन अले इपिं सकलें जुजुया न्‍ह्यःने वल। अबलय् अब्‍शालोमयात ग्‍वाहालि याःपिं फुक्‍क इस्राएलीत थथःगु छेँय् बिस्‍युं वने धुंकूगु खः।

२ शमूएल 19:8 ပူးပေါင်းရင်းမြစ်များ

२ शमूएल 15:2

अले व सुथ न्‍हापां दनाः शहरया मू ध्‍वाखाय् वनेगु लँ लिक्‍क दनाच्‍वनीगु। अले सुं मनू जुजुयाथाय् वयाः निसाफ फ्‍वँ वइबलय् अब्‍शालोमं व मनूयात सःताः “छ गुगु शहरं वयाम्‍ह खः?” धकाः न्‍यनीगु। अले व मनुखं थथे धकाः लिसः बीगु, “स्‍वयादिसँ, जि इस्राएलया छगू कुलयाम्‍ह खः।”

२ शमूएल 18:17

अले इमिसं अब्‍शालोमया सीम्‍हयात यंकाः जंगलया तःधंगु गालय् वान्‍छ्वयाः उकी द्यःने ल्‍वहं द्वँचिनाबिल। अबलय् हे फुक्‍क इस्राएलीत थथःगु छेँय् बिस्‍युं वन।

२ शमूएल 18:24

उबलय् दाऊद निगू लुखाया दथुइ च्‍वनाच्‍वंगु खः। अले पिवाः च्‍वनीम्‍हं पखाःया मू ध्‍वाखाया पिवाः च्‍वनीगु थासय् वनाः स्‍वःवंबलय् छम्‍ह मनू याकःचा ब्‍वाँय् वयाच्‍वंगु खन।

२ शमूएल 18:4

जुजुं लिसः बिल, “अथे खःसा छिमित छु पाय्‌छि जू जिं व हे याये।” अथे जुयाः जुजु मू ध्‍वाखाय् दनाच्‍वन, अले सिपाइँत द्वःछि द्वःछि व सछि सछिया झ्‍वः जुजुयागु हे न्‍ह्यःनं वन।

२ शमूएल 19:3

इपिं लडाइँलय् बुनाः बिस्‍युं वनाः ख्‍वाः क्‍यने मछाःपिं थें न्‍वमवासे शहरय् दुने दुहां वन।

१ राजा 22:36

सूर्य बिनावंबलय् इस्राएली सिपाइँतय्‌थाय् थ्‍व आज्ञा थ्‍यन, “फुक्‍क मनूत थथःगु शहर व बस्‍तीइ लिहां हुँ।”

२ राजा 14:12

यहूदा इस्राएलपाखें बुत, अले इपिं सकलें थथःगु छेँय् बिस्‍युं वन।

२ राजा 8:21

अथे जुयाः यहोराम थःगु फुक्‍क रथत ज्‍वनाः जाईरपाखे वन। एदोमीतय्‌सं वयात व वया रथया कप्‍तानतय्‌त घेरय् यात, तर व चान्‍हय् दनाः बिस्‍युं वन। वया सिपाइँत धाःसा थथःगु छेँय् बिस्‍युं वन।

१ शमूएल 4:10

थुकथं पलिश्‍तीतय्‌सं थःपिनिगु तःधंगु बलं लडाइँ यात अले इस्राएलीतय्‌त बुकल। अले इस्राएलीत फुक्‍कं थथःगु पालय् बिस्‍युं वन। थुपालय् यक्‍वः मनूत स्‍यात। स्‍विद्वः इस्राएली सिपाइँत स्‍यात।