२ शमूएल 19:6 - नेवाः बाइबल

⁶ छिसं थः शत्रुतय्‌त माया यानादी, अले छितः माया याइपिन्‍त घृणा यानादी। छसपोलं जिपिं सेनापतित व झी थः मनूत छिगु न्‍ह्यःने छुं नं मखु धकाः थौं बांलाक क्‍यनादिल। छुं जुयाः थौं अब्‍शालोम म्‍वानाः जिपिं फुक्‍क सीगु जूसा छि लय्‌तायादी धकाः जिं सिल।

२ शमूएल 19:6 ပူးပေါင်းရင်းမြစ်များ

२ शमूएल 19:5

अनंलि योआब जुजुया छेँय् वयाः वयात थथे धाल, “छिगु प्राण, छिकपिनि काय्‌पिं, म्‍ह्याय्‌पिं, कलाःपिं व मथ्‍याःपिं कलाःपिनिगु प्राण बचय् याःपिं फुक्‍क मनूतय्‌गु निंतिं छिसं थौं मछालापुइकादीगु दु।

२ शमूएल 19:7

आः याकनं झासँ थः मनूतय्‌त हपाः बियादिसँ। छुं जुयाः छिसं थथे मयात धाःसा जिं परमप्रभुया नामं पाफयाः धाये, थौं बहनि तक छम्‍ह नं छिनापं दइ मखु। अले थ्‍व छिगु जीवनय् वइगु दक्‍वसिबय् तःधंगु विपत्ति जुइ।”

अय्‍यूब 34:18

वय्‌कलं जुजुयात, ‘छ ज्‍यालगय् मजूम्‍ह’ धयादी, अले भारदारतय्‌त ‘छिपिं दुष्‍टपिं’ धयादी।

प्रेरित 23:5

अले पावलं धाल – “दाजुकिजापिं, वय्‌कः दकलय् तःधंम्‍ह पुजाहारी धकाः जिं मसिल। धर्मशास्‍त्रय् थथे च्‍वयातःगु दु – ‘थः मनूतय् शासकयात म्‍हुतु ल्‍हाये मते।’”