२ शमूएल 19:18 - नेवाः बाइबल

¹⁸ अले इमिसं जुजुया घरानायात खुसि छिनाः उखेपाखे यंकल अले इपिं सकसिनं जुजुया आज्ञा कथं यायेत सकलें मानय् जुल। अले गेराया काय् शिमी खुसि छिनावनाः जुजुया न्‍ह्यःने भ्‍वसुल,

२ शमूएल 19:18 ပူးပေါင်းရင်းမြစ်များ

२ शमूएल 19:17

वनापं शाऊलया घरानाया मू च्‍यः सीबा, थः झिंन्‍याम्‍ह काय्‌पिं व निइम्‍ह च्‍यःत अले द्वःछि बेन्‍यामीनीतय्‌त ज्‍वनाः वन। इपिं यर्दनय् ब्‍वाँय् ब्‍वाँय् वन। अन जुजु च्‍वनाच्‍वंगु खः।

२ शमूएल 19:19

अले जुजुयात थथे धाल, “छसपोलं जितः दोष बियादिल जुइमा। छिसं यरूशलेम त्‍वःतादीगु दिनय् जिं यानागु अपराधयात ल्‍वमंकादिसँ। थ्‍व खँ छिगु मनय् नं तयादी मते।

२ शमूएल 19:30

मपीबोशेतं धाल, “वं हे फुक्‍क कायेमा, छाय्‌धाःसा छि याउँक छेँय् थ्‍यंकः झाल।”

२ शमूएल 9:10

छ, छिमि काय्‌पिं व च्‍यःतय्‌सं वयागु जग्‍गाय् बुँज्‍या यानाः उकिं वःगु अन्‍न छं छिमि मालिकया परिवारयात बीमाः। अले मपीबोशेत, छिमि मालिकया छय् नं न्‍ह्याबलें जिगु टेबिलय् च्‍वनाः नयेगु याइ।” (सीबाया झिंन्‍याम्‍ह काय् व निइम्‍ह च्‍यःत दु।)

२ शमूएल 9:2

शाऊलया घरानाय् सीबा नांयाम्‍ह छम्‍ह च्‍यः दु। वयात दाऊदं सःतके छ्वल। जुजुं वयात न्‍यन, “छु छ सीबा खः ला?” वं लिसः बिल, “खः, जि छिकपिनि दास सीबा हे खः।”

१ राजा 2:8

“अले छनापं दुम्‍ह बहूरीमया बेन्‍यामीनी गेराया काय् शिमीयात लुमंका ति। जि महनोमय् वनाबलय् वं जितः तसकं सराः ब्‍यूगु खः। व यर्दन खुसि सिथय् जितः नापलाः वःबलय् जिं ‘छन्‍त तरवारं स्‍याये मखु’ धकाः जिं परमप्रभुया नामय् पाफयागु खः।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

भजनसंग्रहया सफू 81:15

जितः महीपिन्‍सं ग्‍यानाः जिगु न्‍ह्यःने भ्‍वपू वइगु खः। इमिगु सजाँय सदां सदांया निंतिं जुइगु खः।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।

१ शमूएल 22:15

खः, जिं वयागु पँलिनाः परमेश्‍वरयाके सल्‍लाह कयाः, थ्‍व न्‍हापांगु सल्‍लाह नं ला मखुनि। छिगु विरोधय् मखुगु ज्‍या यायेत सल्‍लाह बिल धकाः छिकपिनि दासयात सुनानं दोष बियादी मते। थुकिया बारे जिं छुं हे मस्‍यू।”