२ शमूएल 19:16 - नेवाः बाइबल

¹⁶ थुबलय् हे बहूरीमय् च्‍वंम्‍ह बेन्‍यामीनी गेराया काय् शिमी दाऊद जुजुयात नापलायेत हथाय् चाचां यहूदाया मनूतनापं यर्दनय् वन।

२ शमूएल 19:16 ပူးပေါင်းရင်းမြစ်များ

२ शमूएल 3:16

अबनेरं वयात छेँ लिहां हुँ धकाः हुकुम मयातले पल्‍तिएल ख्‍वःख्‍वं बहूरीम तक मीकलया ल्‍यूल्‍यू वल।

१ राजा 2:8

“अले छनापं दुम्‍ह बहूरीमया बेन्‍यामीनी गेराया काय् शिमीयात लुमंका ति। जि महनोमय् वनाबलय् वं जितः तसकं सराः ब्‍यूगु खः। व यर्दन खुसि सिथय् जितः नापलाः वःबलय् जिं ‘छन्‍त तरवारं स्‍याये मखु’ धकाः जिं परमप्रभुया नामय् पाफयागु खः।

अय्‍यूब 2:4

शैतानं परमप्रभुयात लिसः बिल, “छेंगूया पलेसा छेंगू।” “थःगु ज्‍यान बचय् यायेत मनूतय्‌सं थःके दुगु फुक्‍क मबी ला?

मत्ती 5:25

“छन्‍त द्वपं ब्‍यूम्‍ह मनू नाप लँय् हे मिलय् जु। मखुसा वं छन्‍त अदालतय् यंकाः न्‍यायाधीशया ल्‍हातिइ लःल्‍हानाबी। न्‍यायाधीशं सिपाइँया ल्‍हातिइ लःल्‍हानाबी। अले छ झ्‍यालखानाय् लाइ।

१ शमूएल 10:8

“छि जि वये न्‍ह्यः हे गिलगालय् क्‍वहां झासँ अले जिं होमबलि व मेलबलि छायेत छिथाय् वये। तर जि छिथाय् मथ्‍यंतले छिं न्‍हय्‌न्‍हु तक पियाच्‍वने मालि। अले जि वयाः छिं यायेमाःगु छु खः व धयाबी।”