२ शमूएल 19:11 - नेवाः बाइबल

¹¹ अले दाऊद जुजुं पुजाहारीत सादोक व अबियाथारयात थथे धकाः खबर छ्वयाहल, “यहूदाया थकालितय्‌त न्‍यँ, ‘जुजुयात वय्‌कःया दरबारय् हयेत छाय् लिबाका च्‍वनागु? छाय्‌धाःसा फुक्‍क इस्राएलीतय्‌गु बिचाः जुजुया छेँय् थ्‍यने धुंकल।

२ शमूएल 19:11 ပူးပေါင်းရင်းမြစ်များ

२ शमूएल 15:29

अथे जुयाः सादोक व अबियाथारं परमेश्‍वरया सनू यरूशलेमय् तुं लित यंकल, अले इपिं नं अन हे च्‍वन।

२ शमूएल 18:14

योआबं धाल, “छनापं खँ ल्‍हानाः जिं थःगु ई सितिं छ्वये मखु।” अले योआब अब्‍शालोम दुथाय् वन, अले वं स्‍वंगू च्‍वामुसे च्‍वंगु कथि कयाः म्‍वाःम्‍वाकं हे सिमाय् यग्‍गायाच्‍वंम्‍ह अब्‍शालोमया छातिइ सुयाबिल।

२ शमूएल 18:15

अले योआबया ल्‍वाभः ज्‍वनिपिं झिम्‍ह सिपाइँतय्‌सं अब्‍शालोमयात घेरय् यानाः स्‍यानाबिल।

२ शमूएल 19:10

तर झीसं झी जुजु अभिषेक यानाम्‍ह अब्‍शालोम लडाइँलय् सी धुंकल। अथे जुयाः जुजुयात लित हयेगु उपाय छाय् मयायेगु?”

२ शमूएल 19:41

अनंलि इस्राएलया फुक्‍क मनूत छथाय् मुनाः जुजुयाथाय् वल। अले इमिसं थथे धाल, “छाय् जिमि दाजुकिजा यहूदाया मनूतय्‌सं छितः यंकल? अले जुजु व वया घराना अले वया फुक्‍क मनूत मिलय् जुयाः जुजुयात यर्दन छिकाः उखेपाखे यंकल।”

१ राजा 2:35

जुजुं यहोयादाया काय् बनायाहयात योआबया थासय् सेनापति ल्‍यल, अले अबियाथारया थासय् सादोकयात पुजाहारी ल्‍यल।

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

२ कोरिन्‍थी 5:20

अय्‌जूगुलिं जिपिं ख्रीष्‍टं छ्वयाहयादीपिं मनूत खः। जिमिगुपाखें परमेश्‍वर छिपिंनाप नवानाच्‍वनादीगु दु। ख्रीष्‍टयागु निंतिं जिमिसं थथे नवानाच्‍वनागु खः। छिपिं फुक्‍कसिनं पापी ज्‍याखँ यायेगु त्‍वःताः परमेश्‍वर नाप मिलय् जुइत वय्‌कःयाथाय् लिहां वा धकाः जिमिसं दुनुगलंनिसें छिमित बिन्‍ति यानाच्‍वनागु दु।

२ थेसलोनिकी 3:9

जिमिसं छिमिगु नये मथ्‍याः धकाः थथे यानागु मखु, बरु छिमिसं नं अथे हे यायेमा धकाः क्‍यनेत अथे यानागु खः।