२ शमूएल 18:31 - नेवाः बाइबल

³¹ अनंलि व कूशी वयाः धाल, “जिमि मालिक महाराज, स्‍वयादिसँ, समाचार बांलाः! छसपोलया विरोधय् दंपिं सकसिगुपाखें परमप्रभुं छितः थौं उद्धार यानादीगु दु।”

२ शमूएल 18:31 ပူးပေါင်းရင်းမြစ်များ

२ शमूएल 18:19

सादोकया काय् अहीमासं धाल, “परमप्रभुं जुजुयात थः शत्रुतय्‌गु ल्‍हातं बचय् यानादिल धयागु खबर जुजुयात याकनं ब्‍यु वनेत जितः अनुमति बियादिसँ।”

२ शमूएल 18:28

अनंलि अहीमासं जुजुया न्‍ह्यःने बँय् भ्‍वसुलाः तःसलं थथे धाल, “फुक्‍क पाय्‌छि जू।” “परमप्रभु छिकपिनि परमेश्‍वरया प्रशंसा जुइमा! छिगु विरोधय् दंपिं मनूतय्‌त छिगु हे ल्‍हातय् बियादीगु दु।”

२ शमूएल 18:30

जुजुं आज्ञा बिल, “चिलाः थन दँ।” अले व वनाः छखेपाखे दंवन।

भजनसंग्रहया सफू 58:10

पापीतय्‌त सजाँय ब्‍यूगु खनाः धर्मी मनूत लय्‌ताइ। इमिसं दुष्‍टतय्‌गु हिं थःपिनिगु तुति सिली।

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।