२ शमूएल 18:26 - नेवाः बाइबल

²⁶ अनंलि हाकनं व पिवाः च्‍वनीम्‍ह मनुखं मेम्‍ह छम्‍ह मनू नं याकःचा हे ब्‍वाँय् वयाच्‍वंगु खन। अले व पिवालं क्‍वय् ध्‍वाखाय् च्‍वंम्‍ह पिवाःयात धाल, “स्‍वसा हाकनं मेम्‍ह छम्‍ह मनू नं याकःचा हे ब्‍वाँय् वयाच्‍वंगु दु।” “जुजुं धाल, वं नं बांलाःगु हे समाचार हःगु जुइमाः।”

२ शमूएल 18:26 ပူးပေါင်းရင်းမြစ်များ

२ शमूएल 18:25

व पिवाः च्‍वनीम्‍ह मनुखं तःसलं दाऊदयात थ्‍व खँ कनाबिल। जुजुं धाल, “व याकःचा जक ब्‍वाँय् वःगु खःसा वं पक्‍का हे बांलाःगु समाचार हःगु जुइमाः।” अले व मनू लिक्‍क थ्‍यंकः वल।

२ शमूएल 18:27

व पिवालं धाल, “स्‍वयादिसँ, व न्‍हापां ब्‍वाँय् वःम्‍ह ला सादोकया काय् अहीमास थें च्‍वं।” जुजुं धाल, “व छम्‍ह बांलाःम्‍ह हे मनू खः, भिंगु हे समाचार ज्‍वनाः वयाच्‍वंगु दु।”

२ राजा 7:10

इपिं सामरियाय् लिहां वल। अले ध्‍वाखाय् च्‍वंपिं पालेतय्‌त तःसलं धाल, “जिपिं अरामीतय्‌गु छाउनीइ वनाबलय् अन जिमिसं सुयातं मखना। जिमिसं सुं मनूयागु सः नं मताः। सल व गधात चिनातःगु दु। पालत अथें त्‍वःतातःगु दु।”