२ शमूएल 18:20 - नेवाः बाइबल

²⁰ तर योआबं लिसः बिल, “थौंयागु दिं छं समाचार यंके मते, मेगु दिनय् जक यंकूसां ज्‍यू, तर थौं मखु, छाय्‌धाःसा जुजुया काय् सी धुंकूगु दु।”

२ शमूएल 18:20 ပူးပေါင်းရင်းမြစ်များ

२ शमूएल 18:19

सादोकया काय् अहीमासं धाल, “परमप्रभुं जुजुयात थः शत्रुतय्‌गु ल्‍हातं बचय् यानादिल धयागु खबर जुजुयात याकनं ब्‍यु वनेत जितः अनुमति बियादिसँ।”

२ शमूएल 18:21

अनंलि योआबं छम्‍ह कूशी दासयात धाल, “छं खंगु फुक्‍क खँ वनाः जुजुयात धयाब्‍यु।” व कूशीं क्‍वछुनाः योआबयात दण्‍डवत यात अले अनं ब्‍वाँय् वन।

२ शमूएल 18:27

व पिवालं धाल, “स्‍वयादिसँ, व न्‍हापां ब्‍वाँय् वःम्‍ह ला सादोकया काय् अहीमास थें च्‍वं।” जुजुं धाल, “व छम्‍ह बांलाःम्‍ह हे मनू खः, भिंगु हे समाचार ज्‍वनाः वयाच्‍वंगु दु।”

२ शमूएल 18:29

जुजुं वयाके न्‍यन, “छु ल्‍याय्‌म्‍हम्‍ह अब्‍शालोमयात आराम दु ला?” अले अहीमासं लिसः बिल, “छसपोलया दास योआबं जुजुया सेवक व जि छिकपिनि दासयात छ्वयाहःगु खः। जिं ला तसकं खलबल जूगु खनागु दु, तर छु जूगु खः व धाःसा जिं मस्‍यू।”

२ शमूएल 18:33

अनंलि जुजु तसकं दुःख मन ताय्‌काः मू ध्‍वाखाया च्‍वय्‌यागु कोथाय् वनाः ख्‍वः वन, अले जुजु थथे धाधां ख्‍वख्‍वं वन, “जिम्‍ह पुताः! जिमि काय् अब्‍शालोम, जिकाय् अब्‍शालोम! छंगु पलेसा जि सीगु जूसा ज्‍यूगु नि! अय् अब्‍शालोम, जिकाय्, जिकाय्!”

२ शमूएल 18:5

जुजुं योआब, अबीशै व इत्तैयात थथे आज्ञा बिल, “जिगु कारणं व ल्‍याय्‌मम्‍ह अब्‍शालोमयात बांलाःगु व्‍यवहार या।” अब्‍शालोमयात बचय् या धकाः जुजुं कप्‍तानतय्‌त ब्‍यूगु आज्ञा फुक्‍क सिपाइँतय्‌सं नं न्‍यन।

२ शमूएल 19:1

अब्‍शालोमया निंतिं जुजु ख्‍वख्‍वं विलाप यानाच्‍वंगु दु धयागु खँ योआबं न्‍यन।