२ शमूएल 18:2 - नेवाः बाइबल

² अनंलि वं थः सिपाइँतय्‌त स्‍वब्‍वः थल। स्‍वब्‍वय् छब्‍व योआबया अधीनय्, स्‍वब्‍वय् छब्‍व सरूयाहया काय् योआबया किजा अबीशैया अधीनय्, व स्‍वब्‍वय् छब्‍व गित्ती इत्तैया अधीनय् तयाः छ्वल। जुजुं सिपाइँतय्‌त धाल, “जि नं छिपिंनापं लडाइँलय् वने।”

२ शमूएल 18:2 ပူးပေါင်းရင်းမြစ်များ

२ शमूएल 17:11

अथे जुयाः जिगु थ्‍व सल्‍लाह दु, दानंनिसें दच्‍छिनया बेर्शेबाया सिथय् तक दुपिं फुक्‍क इस्राएलीतय्‌त छथाय् मुंकि। इपिं समुद्रया सिथय् च्‍वंगु फि थें अल्‍याख दइ, अले छि थः हे लडाइँलय् इमिगु न्‍ह्यलुवाः जुयाः यंकी।

२ शमूएल 21:17

उबलय् सरूयाहया काय् अबीशै दाऊदयात ग्‍वाहालि यायेत वल। वं व पलिश्‍तीयात कय्‌काः स्‍यात। अनंलि दाऊदया मनूतय्‌सं इस्राएलया जः हे तनावनी धकाः ग्‍यानाः दाऊद इपिं नापं लडाइँलय् गुबलें वनी मखु धकाः वयागु न्‍ह्यःने पाफल।

२ शमूएल 23:18

सरूयाहया काय् योआबया किजा अबीशै उपिं स्‍विम्‍हय्‌सिया नायः खः। छकः वं भालां स्‍वसःम्‍हय्‌सित स्‍यात, उकिं व उपिं स्‍वम्‍ह थें हे नांजाःम्‍ह मनू जुल।

२ शमूएल 8:16

सरूयाहया काय् योआब सेनापति खः, अहीलूदया काय् यहोशापात देशय् जूगु घटना च्‍वयातइम्‍ह खः।

१ राजा 2:28

थ्‍व खँ योआबयाथाय् थ्‍यन। वं अदोनियाहया पंल्यूगु खः, अब्‍शालोमयागु धाःसा मखु। व परमप्रभुया पालय् बिस्‍युं वन अले वेदीया नेकू ज्‍वनाच्‍वन।

भजनसंग्रहया सफू 3:6

जितः प्‍यखेरं हय्‌कायेत स्‍वयाच्‍वंपिं द्वलंद्वः शत्रुत खनाः नं जि मग्‍याः।

न्‍यायकर्ता 7:16

अले वं इपिं स्‍वसःम्‍ह मनूयात स्‍वंगू पुचलय् ब्‍वथलाः इपिं सकसिगु ल्‍हातय् छपु तुरही व मिप्‍वाः दुगु खालि घः इपिं सकसित बिल।

न्‍यायकर्ता 7:19

बाचा इलय् पाः च्‍वनिपिं मनूत ह्यूगु भचा जायेवं गिदोन व व नापं दुपिं सछिम्‍ह मिजं छाउनीया लिक्‍क थ्‍यन। इमिसं थःगु तुरही पुयाः थथःगु ल्‍हातय् दुगु घः तछ्यात।

न्‍यायकर्ता 9:43

अले वं थः सेनायात स्‍वपुचः यानाः बुँइ पियाच्‍वन। मनूत शहरं पिहांवयाच्‍वंगु खनाः व थः सुलाच्‍वंगु थासं पिहां वयाः इमित हमला यात।

१ शमूएल 11:11

कन्‍हय् खुन्‍हु शाऊलं थः मनूतय्‌त स्‍वंगू पुचःयात। सुथ न्‍हापां इपिं अम्‍मोनीतय्‌गु छाउनी दुने दुहां वन अले निभाः छाःबलय् तक अम्‍मोनीतय्‌त स्‍यानाच्‍वन। अनंलि म्‍वाःपिं निम्‍ह छथाय् मजुइक फुक्‍क छ्यालब्‍याल जुल।