२ शमूएल 18:17 - नेवाः बाइबल

¹⁷ अले इमिसं अब्‍शालोमया सीम्‍हयात यंकाः जंगलया तःधंगु गालय् वान्‍छ्वयाः उकी द्यःने ल्‍वहं द्वँचिनाबिल। अबलय् हे फुक्‍क इस्राएलीत थथःगु छेँय् बिस्‍युं वन।

२ शमूएल 18:17 ပူးပေါင်းရင်းမြစ်များ

२ शमूएल 19:5

अनंलि योआब जुजुया छेँय् वयाः वयात थथे धाल, “छिगु प्राण, छिकपिनि काय्‌पिं, म्‍ह्याय्‌पिं, कलाःपिं व मथ्‍याःपिं कलाःपिनिगु प्राण बचय् याःपिं फुक्‍क मनूतय्‌गु निंतिं छिसं थौं मछालापुइकादीगु दु।

२ शमूएल 19:8

अनंलि जुजु दनाः वनाः शहरया ध्‍वाखा लिक्‍क च्‍वंवन। अले फुक्‍क मनूतय्‌सं “जुजु ध्‍वाखा लिक्‍क च्‍वनाच्‍वंगु दु” धकाः न्‍यन अले इपिं सकलें जुजुया न्‍ह्यःने वल। अबलय् अब्‍शालोमयात ग्‍वाहालि याःपिं फुक्‍क इस्राएलीत थथःगु छेँय् बिस्‍युं वने धुंकूगु खः।

२ शमूएल 19:9

अले इस्राएलया फुक्‍क कुलत थथे धयाः जवाःसवाः यानाच्‍वन, “जुजुं झीत थः शत्रुतपाखें छुत्‍कारा यानादिल, अले पलिश्‍तीतय्‌गु शक्तिं बचय् यानादिल, आः अब्‍शालोमं यानाः जुजु देशं बिस्‍युं वंगु दु।

२ शमूएल 20:1

शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

२ शमूएल 20:22

अनंलि व मिसा वन अले फुक्‍क मुनाच्‍वंपिं मनूतय्‌त थःगु बुद्धिया सल्‍लाह न्‍यंकल। अले इमिसं बिक्रीया काय् शेबाया छ्यं ध्‍यनाः योआबया न्‍ह्यःने वांछ्वयाबिल। अनंलि योआबं तुरही पुल, अले फुक्‍क सिपाइँत शहर त्‍वःताः थथःगु छेँय् लिहां वन। योआब धाःसा जुजुयाथाय् यरूशलेमय् लिहां वन।

२ राजा 14:12

यहूदा इस्राएलपाखें बुत, अले इपिं सकलें थथःगु छेँय् बिस्‍युं वन।

२ राजा 8:21

अथे जुयाः यहोराम थःगु फुक्‍क रथत ज्‍वनाः जाईरपाखे वन। एदोमीतय्‌सं वयात व वया रथया कप्‍तानतय्‌त घेरय् यात, तर व चान्‍हय् दनाः बिस्‍युं वन। वया सिपाइँत धाःसा थथःगु छेँय् बिस्‍युं वन।

हितोपदेश 10:7

भिंपिं मनूतय्‌त लुमंका तइ, मभिंपिन्‍त धाःसा धाय्‌वं ल्‍वःमंका छ्वइ।

व्‍यवस्‍था 21:20

इमिसं थकालितय्‌त थथे धायेमाः “जिमि थ्‍व काय् जिराहा व हारां। वं जिमिगु खँ मन्‍यं। थ्‍व नगुलु व अय्‌लाःगुलुत खः।”

व्‍यवस्‍था 21:21

अले व शहरया फुक्‍क मिजंतय्‌सं वयात ल्‍वहँतं कय्‌काः स्‍यायेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः। अले सकलें इस्राएलीत थ्‍व खँ न्‍यनाः ग्‍याइ।

यहोशू 10:27

सूर्य बिनावंबलय् यहोशूं आज्ञा बिल अले इमित थामं क्‍वकयाः इपिं सुलाच्‍वंगु व हे गुफाय् वांछ्वयाबिल। गुफाया म्‍हुतुइ ततःग्‍वःगु ल्‍वहंत तयाबिल। उपिं ल्‍वहंत थौं तक नं अन हे दनि।

यहोशू 7:26

इमिसं वयागु सीम्‍हय् ल्‍वहँयागु तःधंगु द्वं मुंकल। गुगु थौं तक नं दयाच्‍वंगु दु। अले परमप्रभुयागु ग्‍यानापुगु तं क्‍वलात। उकिं व थाय्‌यागु नां थौं तक नं आकोरयागु न्‍हसिकाप जुयाच्‍वंगु दु।

यहोशू 8:29

वं ऐयाम्‍ह जुजुयात छगू थामं सुयाबिल अले वयात सन्‍ध्‍याकाः ई तक हे अन तया तल। सूर्य बिनावंगु इलय् वं वयागु म्‍हयात थामं क्‍वकयाः शहरयागु ध्‍वाखाया क्‍वय् वांछ्वयाबिल। इमिसं सीम्‍ह च्‍वय् ल्‍वहंयागु द्वं मुंकाबिल। व थौं तक द हे दनि।

१ शमूएल 4:10

थुकथं पलिश्‍तीतय्‌सं थःपिनिगु तःधंगु बलं लडाइँ यात अले इस्राएलीतय्‌त बुकल। अले इस्राएलीत फुक्‍कं थथःगु पालय् बिस्‍युं वन। थुपालय् यक्‍वः मनूत स्‍यात। स्‍विद्वः इस्राएली सिपाइँत स्‍यात।