२ शमूएल 18:14 - नेवाः बाइबल

¹⁴ योआबं धाल, “छनापं खँ ल्‍हानाः जिं थःगु ई सितिं छ्वये मखु।” अले योआब अब्‍शालोम दुथाय् वन, अले वं स्‍वंगू च्‍वामुसे च्‍वंगु कथि कयाः म्‍वाःम्‍वाकं हे सिमाय् यग्‍गायाच्‍वंम्‍ह अब्‍शालोमया छातिइ सुयाबिल।

२ शमूएल 18:14 ပူးပေါင်းရင်းမြစ်များ

२ शमूएल 12:10

छं जितः क्‍वह्यंकूगुलिं व हित्ती उरियाहया कलाःयात छं थः कलाः यायेत यंकूगुलिं छिमि परिवारं गुबलय् नं तरवारपाखें आराम कायेखनि मखु।’”

२ शमूएल 14:30

अथे जुयाः अब्‍शालोमं थः च्‍यःतय्‌त धाल, “योआबया छकू बुँ जिगु हे बुँ लिक्‍क दु अले उकी वं तछ्व ह्वलातःगु दु धकाः ला छिमिसं सी हे स्‍यू। हुँ, उकियात मि छ्वय्‌काब्‍यु।” अले वया च्‍यःतय्‌सं अथे हे यात।

२ शमूएल 18:15

अले योआबया ल्‍वाभः ज्‍वनिपिं झिम्‍ह सिपाइँतय्‌सं अब्‍शालोमयात घेरय् यानाः स्‍यानाबिल।

२ शमूएल 18:5

जुजुं योआब, अबीशै व इत्तैयात थथे आज्ञा बिल, “जिगु कारणं व ल्‍याय्‌मम्‍ह अब्‍शालोमयात बांलाःगु व्‍यवहार या।” अब्‍शालोमयात बचय् या धकाः जुजुं कप्‍तानतय्‌त ब्‍यूगु आज्ञा फुक्‍क सिपाइँतय्‌सं नं न्‍यन।

२ शमूएल 19:1

अब्‍शालोमया निंतिं जुजु ख्‍वख्‍वं विलाप यानाच्‍वंगु दु धयागु खँ योआबं न्‍यन।

२ शमूएल 19:11

अले दाऊद जुजुं पुजाहारीत सादोक व अबियाथारयात थथे धकाः खबर छ्वयाहल, “यहूदाया थकालितय्‌त न्‍यँ, ‘जुजुयात वय्‌कःया दरबारय् हयेत छाय् लिबाका च्‍वनागु? छाय्‌धाःसा फुक्‍क इस्राएलीतय्‌गु बिचाः जुजुया छेँय् थ्‍यने धुंकल।

अय्‍यूब 20:5

दुष्‍टत छुं दिंया निंतिं जक त्‍याइ, परमेश्‍वरयात मानय् मयाइपिं मनूतय्‌गु लसता पलखया निंतिं जक खः।

भजनसंग्रहया सफू 37:35

जिं छम्‍ह तसकं ग्‍यानापुम्‍ह व दुष्‍टम्‍ह मनू खना। व मनू सिमा थें थःगु थासय् तःधनाजुल।

भजनसंग्रहया सफू 45:5

छिगु च्‍वामुगु वाणं छिकपिनि शत्रुतय्‌गु नुगलय् सुइ मा! जाति जातियापिन्‍सं छिगु तुतिइ भ्‍वपुइमा!

मत्ती 12:40

गथे योना न्‍यायागु प्‍वाथय् स्‍वन्‍हु स्‍वचा तक च्‍वन, अथे हे मनूया काय् नं पृथ्‍वीया दुने स्‍वन्‍हु स्‍वचा तक च्‍वनी।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

न्‍यायकर्ता 4:21

तर हेबेरया कलाः याएल पालया छपु नकिं व मुगःचा कयाः तीजक सीसराया न्‍ह्यःने वन। सीसरा त्‍यानुगुलिं तसकं न्‍ह्यः वयेका च्‍वंगु जुल। अले वं नकिं कयाः सीसरायागु न्‍हकुं पिचाय्‌कः बँय् तुंक तानाबिल। थुकथं वं सीसरायात स्‍यात।

न्‍यायकर्ता 5:26

वं छपा ल्‍हातय् नकिं काल, मेगु ल्‍हातं मुगःचा ल्‍ह्वन, मुगलं वं सीसराया छेनय् छ्यात, सीसरायागु छ्यं तछ्यानाबिल। वं नकिं नं तानाः वयागु छ्यं पिचाय्‌काबिल।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।