२ शमूएल 17:29 - नेवाः बाइबल

²⁹ कस्‍ति, धौ, फैत व सायागु दुरुं पिकयातःगु पनीर नं हयाः दाऊद व वनापं वःपिं मनूतय्‌त नयेगु निंतिं बिल, छाय्‌धाःसा मनूत मरुभूमिइ नयेपित्‍याकाः, लः प्‍याये चाय्‌काः व त्‍यानुचायाः वःगु खः धकाः इमिसं सीकल।

२ शमूएल 17:29 ပူးပေါင်းရင်းမြစ်များ

२ शमूएल 16:14

जुजु व वया फुक्‍क मनूत यर्दनया लिक्‍क थ्‍यंबलय् त्‍यानुचाल, अले इमिसं अन आराम काल।

२ शमूएल 16:2

दाऊद जुजुं सीबायात न्‍यन, “थुपिं फुक्‍क छु यायेत हयागु?” सीबां लिसः बिल, “थुपिं गधात जुजुया परिवारयापिं गयाः वनेगु निंतिं खः, मरि व फलत ल्‍याय्‌म्‍हपिं मनूतय्‌त नयेगु निंतिं व दाखमद्य धाःसा मरुभूमिइ त्‍यानुचाःपिनिगु निंतिं खः।”

२ शमूएल 17:2

व त्‍यानुचायाः थाकुयाच्‍वंबलय् हे जिं वयात हमला याये। वयात जिं तसकं ख्‍याये, अले वया फुक्‍क मनूत छ्यालब्‍याल जुयाः बिस्‍युं वनी। जिं जुजुयात बाहेक मेपिं सुयातं स्‍याये मखु।

भजनसंग्रहया सफू 107:5

इमि नये पित्‍याः, प्‍याःचाः, इमिके आशा मदये धुंकूगु खः।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

हितोपदेश 21:26

इमिसं चच्‍छि न्‍हिच्‍छिं लोभ जक यानाच्‍वनी, तर धर्मी मनूतय्‌सं न्‍ह्याबलें नुगः मस्‍याकुसे बियाच्‍वनी।

यशैया 21:14

प्‍याःचाःपिनिगु निंतिं लः हयाब्‍यु! अय् तेमाय् च्‍वंपिं मनूत, शरण काःवःपिनिगु निंतिं नसा हयाब्‍यु!

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

लूका 8:3

अले हेरोदया छम्‍ह कजी खूजासया कलाः योअन्‍ना, सुसन्‍ना व मेपिं यक्‍व मिसात नं वय्‌कः नाप जूगु दु। थ्‍व मिसातय्‌सं वय्‌कःयात माक्‍व धिबा बियाः ग्‍वाहालि याः।

रोमी 12:13

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।

१ शमूएल 17:18

थ्‍व झिकू पनीर धाःसा कप्‍तानयात यंकाब्‍यु। छिमि दाजुपिं छु छु यानाच्‍वंगु दु स्‍वयाः वा अले इमि म्‍हं फु धइगु खँ सीकेत छगू चिं ज्‍वनाः वा।