२ शमूएल 17:17 - नेवाः बाइबल

¹⁷ अबियाथारया काय् जोनाथन व सादोकया काय् अहीमास एन-रोगेलय् च्‍वनाच्‍वंगु खः। शहरय् दुने छु छु जुयाः च्‍वंगु दु व खबर छम्‍ह मिसां धुवांधु वया बीगु, अले इमिसं दाऊदयात खबर बीगु। छाय्‌धाःसा मनूतय्‌सं खंक खंक इपिं शहरय् दुने दुहां वनेगु आँट मयात।

२ शमूएल 17:17 ပူးပေါင်းရင်းမြစ်များ

२ शमूएल 15:27

जुजुं सादोक पुजाहारीयात थथे नं धाल, “छु छं वइतिनिगु बारे दर्शन खंके फु, मखु ला? छ व अबियाथार, छिमि काय् अहीमास व अबियाथारया काय् जोनाथनयात नापं ब्‍वनाः याउँक शहरय् लिहां हुँ।

२ शमूएल 15:35

छं सि हे स्‍यू नि सादोक व अबियाथार पुजाहारीत छनापं दइ। जुजुया लाय्‌कुलिइ छु छु खँ छं न्‍यनी व फुक्‍क निम्‍हय्‌सित धयाब्‍यु।

२ शमूएल 15:36

इपिं नापं सादोकया काय् अहीमास व अबियाथारया काय् जोनाथन नं दु। छं छु न्‍यनी व इमिपाखें जितः धाय्‌के छ्वया हजि।”

१ राजा 1:42

व नवानाच्‍वंबलय् हे अबियाथार पुजाहारीया काय् जोनाथन थ्‍यंकः वल। अदोनियाहं धाल, “दुने वा। छ ला वीर मनू खः, छं बांलाःगु हे खबर ज्‍वनावःगु जुइमा।”

१ राजा 1:9

छन्‍हु अदोनियाहं एन-रोगेल बुँगाःचाया लिक्‍क जोहेलेत धाःगु ल्‍वहँतय् फैत, द्वहंत व ल्‍ह्वंपिं द्वहंचात बलि बिल। वं दाऊद जुजुया मेपिं काय्‌पिं व यहूदां वःपिं जुजुया फुक्‍क हाकिमतय्‌त भ्‍वय् नयेत सःतल।

यहोशू 15:7

अनंलि सिमाना आकोरया ब्‍यासिं दबीर तक वनाः न्‍हसिकापया दच्‍छिनपाखे अदुम्‍मीमयागु भन्‍ज्‍याङपाखे स्‍वःगु उत्तर पाखेयागु गिलगालय् थ्‍यन। अले व सिमाना एन-शेमेश नांया बुँगाःचा सिथ सिथ जुयाः एन-रोगेलय्‌ तक थ्‍यन।

यहोशू 18:16

व सिमाना रपाईमया ब्‍यासियागु उत्तरय् च्‍वंगु बेन-हिन्‍नोमया खोँचपाखे लाःगु पहाडया क्‍वय् क्‍वहां वन। व सिमाना अनं बेन-हिन्‍नोमया खोँच जुयाः क्‍वहां वन अले यबूसी शहरया दच्‍छिनया पाःचा जुयाः एन-रोगेल थ्‍यन।