२ शमूएल 16:8 - नेवाः बाइबल

⁸ शाऊलया घरानाय् हि हाय्‌काः वया पलेसा राज्‍य यायेत स्‍वःम्‍हय्‌सित थौं परमप्रभुं बदला कयादीगु पक्‍का हे खः। अले थ्‍व राज्‍य परमप्रभुं छिमि काय् अब्‍शालोमयात बियादिल। छ नाश जुइ धुंकल छाय्‌धाःसा छ ज्‍यानमारा खः।”

२ शमूएल 16:8 ပူးပေါင်းရင်းမြစ်များ

२ शमूएल 19:19

अले जुजुयात थथे धाल, “छसपोलं जितः दोष बियादिल जुइमा। छिसं यरूशलेम त्‍वःतादीगु दिनय् जिं यानागु अपराधयात ल्‍वमंकादिसँ। थ्‍व खँ छिगु मनय् नं तयादी मते।

२ शमूएल 19:21

अनंलि सरूयाहया काय् अबीशैनं धाल, “परमप्रभुं अभिषेक यानातःम्‍ह जुजुयात सराः ब्‍यूगु कारणं शिमी सीमाःगु मखु ला?”

२ शमूएल 21:1

दाऊदं शासन यानाच्‍वंगु इलय् स्‍वदँ ति अनिकाल जुल। अनंलि दाऊदं परमप्रभुयात मालेगु यात। अले परमप्रभुं धयादिल, “शाऊल व वया घरानाय् हिया द्वपं लाःगु दु, छाय्‌धाःसा वं गिबोनीतय्‌त स्‍याःगु खः। अथे जुयाः अनिकाल जूगु खः।”

२ शमूएल 21:9

दाऊदं इमित गिबोनीतय्‌गु ल्‍हातय् लःल्‍हाना बिल, अले इमिसं इमित परमप्रभुया न्‍ह्यःने डाँडाय् स्‍यानाः इमिगु सीम्‍ह यख्‍खानाबिल। इपिं न्‍हय्‌म्‍ह छकलं क्‍वय् कुतुंवन। इमित तछ्व लयेगु न्‍हापांगु दिनय् स्‍याःगु खः।

१ राजा 2:8

“अले छनापं दुम्‍ह बहूरीमया बेन्‍यामीनी गेराया काय् शिमीयात लुमंका ति। जि महनोमय् वनाबलय् वं जितः तसकं सराः ब्‍यूगु खः। व यर्दन खुसि सिथय् जितः नापलाः वःबलय् जिं ‘छन्‍त तरवारं स्‍याये मखु’ धकाः जिं परमप्रभुया नामय् पाफयागु खः।

भजनसंग्रहया सफू 3:2

यक्‍वसिनं धयाच्‍वन, “परमेश्‍वरं वयात गुबलें नं रक्षा यानादी मखु।” सेला

भजनसंग्रहया सफू 4:2

हे मनूत! गुबलय् तक छिमिसं जिगु महिमायात मछालापुसे च्‍वंकाच्‍वनेगु? गुबलय् तक छिमिसं म्‍वाःमदुगु दोष बियाः जुयाच्‍वनेगु? गुबलय् तक छिपिं मखुगु खँया ल्‍यूल्‍यू जुयाच्‍वनेगु? सेला

भजनसंग्रहया सफू 55:3

शत्रुतय्‌गु ख्‍याच्‍वलं जि ग्‍यानाच्‍वनागु दु मभिंपिं मनूतय्‌गु बेक्‍वः मिखां जितः दुःखकष्‍ट बियाच्‍वंगु दु। इपिं जि खनाः तंचाःगु दु अले जितः तसकं मयय्‌कूगु दु।

भजनसंग्रहया सफू 7:4

थः पासायात जिं मभिं यानागु दुसा, छुं म्‍वायेक जिं थः विरोधीतय्‌त हय्‌कयागु दुसा, जिं थज्‍याःगु छुं यानागु दुसा

हितोपदेश 26:2

म्‍वाय्‌कं म्‍वाय्‌कं ब्‍यूगु सराः लगय् जुइ मखु। थ्‍व ला चखुंचा थें भुर्र ब्‍वयावनी, अले इखुंचा थें ब्‍वाँय् वनी।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

न्‍यायकर्ता 9:24

यरूब-बालया न्‍हयेम्‍ह काय्‌पिन्‍त स्‍याःगु अपराधया सजाँय इमित स्‍याःम्‍ह वया दाजु अबीमेलेकयात व वया थः किजापिन्‍त स्‍यायेत वयात ग्‍वाहालि याःपिं शेकेम शहरयापिं मनूतय्‌त लायेमा धकाः परमेश्‍वरं थथे यानादीगु खः।