२ शमूएल 16:4 - नेवाः बाइबल

⁴ जुजुं सीबायात धाल, “स्‍व, मपीबोशेतया फुक्‍क सम्‍पत्ति छन्‍त दइ।” सीबां वयात धाल, “हे महाराज, जि ला छःपिनि दास जक खः। जितः ला छःपिनिगु दया जक दःसा गाइ।”

२ शमूएल 16:4 ပူးပေါင်းရင်းမြစ်များ

२ शमूएल 14:22

अनंलि योआबं क्‍वमिलु जुयाः बँय् भ्‍वसुलाः दण्‍डवत यात। अले जुजुयात हनाबना तयाः थथे धयाः बिदा जुल, “हे प्रभु, जिं क्‍वमिलु जुयाः छःपिन्‍त बिन्‍ति यानागु छःपिन्‍सं नालाकयादीगुलिं जितः छिगु दया दत धकाः जि छिकपिनि दासं सिल।”

२ शमूएल 14:4

तकोया मिसा जुजुयाथाय् वन अले बँय् भ्‍वसुलाः दण्‍डवत यानाः थथे धाल, “महाराज! जितः ग्‍वाहालि यानादिसँ!”

२ शमूएल 14:8

जुजुं व मिसायात धाल, “हुँ, जिं छंगु निसाफ याये।”

२ शमूएल 16:3

जुजुं न्‍यन, “छिमि मालिकया छय् गन दु?” सीबां धाल, “व ला यरूशलेमय् हे दु, छाय्‌धाःसा इस्राएलया घरानां वयात थः बाज्‍याया सिंहासन लितबी धकाः मतिइ तःगु दु।”

२ शमूएल 16:5

दाऊद जुजु बहूरीमय् थ्‍यंकः वःबलय् अन शाऊलया घरानाया छम्‍ह मनू गेराया काय् शिमी वयाः दाऊदयात सराः ब्‍युब्‍युं नापलाः वल।

२ शमूएल 19:27

वं जिगु विरोधय् छिनापं खँ ल्‍हाःगु दु। छसपोल परमेश्‍वरया दूत थें खः। आः छितः छु पाय्‌छि जु व हे यानादिसँ।

२ शमूएल 9:6

जोनाथनया काय्, शाऊलया छय् मपीबोशेत दाऊदयाथाय् वल। अले वं क्‍वछुनाः जुजुयात भागि यात। दाऊदं वयात धाल, “मपीबोशेत!” वं लिसः बिल, “धयादिसँ, जि छिकपिनि दास थन हे दु।”

२ शमूएल 9:9

अनंलि दाऊदं शाऊलया च्‍यः सीबायात सःतके छ्वयाः वयात थथे आज्ञा बिल, “छिमि मालिकया छय्‌यात जिं शाऊल व वया घरानाया फुक्‍क सम्‍पत्ति बियागु दु।

प्रस्‍थान 23:8

“घुस नये मते छाय्‌धाःसा घुसं मनूतय्‌त कां यानाबी, अले खःगु खँयात अःखः यानाबी।

हितोपदेश 18:13

लिसः बी न्‍ह्यः खँ न्‍यनेगु या, मखुसा छ मूर्ख जुइ, अले मछालापुकी।

हितोपदेश 18:17

मुद्दा जुइबलय् विपक्षी वयाः न्‍ह्यसः मततले न्‍हापा नवानाच्‍वंम्‍ह मनूयागु खँ हे पाय्‌छि थें च्‍वनी।

हितोपदेश 19:2

ज्ञान मदय्‌क जोश जक दयां मगाः, हथासं याःगु ज्‍या स्‍यनी।

व्‍यवस्‍था 19:15

छुं नं अपराध वा अधर्मय् सुं मनूयात छम्‍ह जक मनूया साक्षीं सजाँय बी मते। वयात सजाँय बीत निम्‍ह वा स्‍वम्‍ह मनुखं साक्षी बीमाः।