२ शमूएल 16:10 - नेवाः बाइबल

¹⁰ तर जुजुं धाल, “अय् सरूयाहया काय्‌पिं, छिमित जिनापं छु मतलब? परमप्रभुं हे वयात दाऊदयात सराः ब्‍यु धकाः धाःगु खःसा सुनां वयात पनेगु?”

२ शमूएल 16:10 ပူးပေါင်းရင်းမြစ်များ

उत्‍पत्ति 50:20

छिमिसं जितः स्‍यंकेत स्‍वल, परमेश्‍वरं थुकिया पलेसा भिं यानादिल। थौं झी फुक्‍कं गुकथं बचय् जुयाच्‍वना, व उकिया हे लिच्‍वः खः।

२ शमूएल 19:22

दाऊदं लिसः बिल, “हे सरूयाहया काय्‌पिं, छिमिगु जिनापं छु स्‍वापु दु? छिपिं थौं जिगु विरोधी जूगु दु। आः जि इस्राएलया जुजु जूगु दु अथे जुयाः थौं सुं नं इस्राएलीत सी मखु।”

२ शमूएल 19:23

अनंलि जुजुं शिमीयात धाल, “आः छ सी मखुत।” अनंलि जुजुं पाफयाः थ्‍व खँ क्‍वःछित।

२ शमूएल 3:39

जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

१ राजा 2:5

“सरूयाहया काय् योआबं इस्राएलया निम्‍ह सेनापतित नेरया काय् अबनेर व येतेरया काय् अमासायात स्‍यानाः जितः छु यात, व खँ छं सी हे स्‍यू। लडाइँया इलय् थें शान्‍तिया इलय् नं वं इपिं निम्‍हय्‌सित स्‍यात। व हे हिं थःगु जनी व तुतिया लाकांयात प्‍याकल।

२ राजा 18:25

थ्‍व बाहेक छु जिं थ्‍व थाय्‌यात हमला यानाः नाश यायेत परमप्रभुं मधाय्‌कं वयागु दु ला? परमप्रभुं हे जितः “व देशय् वनाः वयात नाश या!” धकाः धयादीगु दु।’”

अय्‍यूब 9:12

वय्‌कलं लाकाकयादिल धाःसा सुनां वय्‌कःयात पने फइ? ‘छिं छु यानादियागु’ धकाः, सुनां वय्‌कःयात न्‍यने फइ?

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

उपदेशक 8:4

जुजुया वचनय् फुक्‍क शक्ति दु। सुनानं जुजुयात थथे धाये फइ ला, “छसपोलं छाय् थथे यानादियागु?”

विलाप 3:37

परमप्रभुं हे आज्ञा बियामदीतले सुनां धाःगु पूवंगु दु?

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

मत्ती 16:23

वय्‌कलं लिफः स्‍वयाः पत्रुसयात धयादिल – “शैतान, छ जिथाय् च्‍वने मते। छं ला जिगु ज्‍या हे पनेत स्‍वयाच्‍वन। छं ला परमेश्‍वरयागु मखु, बरु मनूतय्‌गु खँय् जक ध्‍यान बियाच्‍वन।”

मत्ती 8:29

वय्‌कःयात खनेवं हे इपिं थथे धकाः चिल्‍लाय् दनाः हाल – “हे परमेश्‍वरया काय्, छि जिमिथाय् छाय् झायागु? मत्‍यवं हे जिमित सजाँय बीत झायागु ला?”

यूहन्‍ना 18:11

वय्‌कलं पत्रुसयात धयादिल – “तरवार दापय् स्‍वथँ। बाःनं जितः त्‍वनेत बियादीगु दुःखयागु ख्‍वला छु जिं मत्‍वनेगु ला?”

रोमी 9:20

मनू जुयाः परमेश्‍वरयात लिसः बीम्‍ह छ सु खः? जितः छाय् थथे दय्‌का धकाः दय्‌कातःगु सामानं दय्‌कूम्‍हय्‌सित न्‍ह्यसः याइ ला?

१ पत्रुस 2:23

थःत ब्‍वः ब्‍यूपिन्‍त वय्‌कलं ब्‍वः बियामदी। अय्‌च्‍वंक दुःखकष्‍ट बिलं नं वय्‌कलं ख्‍याच्‍वः बियामदी, बरु ननिमवासे वय्‌कलं बांलाक न्‍याय यानादीम्‍ह परमेश्‍वरयाके भरोसा तयादिल।

१ शमूएल 26:19

हे प्रभु जिमि जुजु, जिं छु धायेत्‍यनागु दु बांलाक ध्‍यान बियाः न्‍यनादिसँ। थथे परमप्रभुं हे छितः जिगु विरोधय् याकेब्‍यूगु खःसा जितः वय्‌कःयात छगू भेटी छाय्‌के बियादिसँ सके वय्‌कःया मन हिलिला। तर छुं जुयाः थ्‍व मनूतय्‌सं याकूगु जूसा इमित परमप्रभु सराः लायेमा। छाय्‌धाःसा थौं ‘वं मेपिं द्यःतय्‌गु सेवा यायेमा’ धकाः इमिसं जितः परमप्रभुया सर्बयपाखें लिकाःगु दु।