२ शमूएल 16:1 - नेवाः बाइबल

¹ दाऊद वनापं दुपिं मनूत डाँडाया च्‍वकां भचा तापाक्‍क थ्‍यंबलय् दाऊदं मपीबोशेतया च्‍यः सीबायात नापलात। वं निम्‍ह गधालय् निसःपाः मरि, सछिज्‍वाँय् किसमिस, नेभाराया फल सछिज्‍वाँय् व छगू छेंगूया म्‍हिचाय् न्‍हूगु दाखमद्य काठी चिनाः हःगु दु।

२ शमूएल 16:1 ပူးပေါင်းရင်းမြစ်များ

२ शमूएल 15:30

तर दाऊद थःगु छ्यं त्‍वपुयाः खालि तुतिं ख्‍वख्‍वं जैतून डाँडाय् थहां वन। वनापं दुपिं फुक्‍क मनूत नं थथःगु छ्यं त्‍वपुयाः ख्‍वख्‍वं च्‍वय् थहां वन।

२ शमूएल 15:32

दाऊद डाँडाया च्‍वकाय् थ्‍यंकः वल। व परमेश्‍वरयात आराधना याइगु थाय् खः, अले अरकी हूशैनं थःगु लं खुनाः छेनय् धू तयाः दाऊदयात नापलायेत वःगु खः।

२ शमूएल 19:17

वनापं शाऊलया घरानाया मू च्‍यः सीबा, थः झिंन्‍याम्‍ह काय्‌पिं व निइम्‍ह च्‍यःत अले द्वःछि बेन्‍यामीनीतय्‌त ज्‍वनाः वन। इपिं यर्दनय् ब्‍वाँय् ब्‍वाँय् वन। अन जुजु च्‍वनाच्‍वंगु खः।

२ शमूएल 19:32

बर्जिल्‍लै धाःसा चयदँ दये धुंकूम्‍ह बुराम्‍ह मनू खः। जुजु महनोमय् च्‍वनाच्‍वंबलय् वं हे जुजुयात नयेगु नसा यंकीम्‍ह खः छाय्‌धाःसा व तसकं तःमिम्‍ह खः।

१ इतिहास 12:40

इस्‍साखार, जबूलून व नप्‍ताली कुलयापिं मनूतय्‌सं नं गधा, ऊँट, खच्‍चर, व द्वहंयात क्‍वबिकाः छुचुं, यःमरि ग्‍वारा, किसमिस ज्‍वाँय्, दाखमद्य, जैतूनया चिकं हल। इमिसं स्‍यानाः नयेत सा द्वहं व फैत नं ज्‍वनावल। इस्राएलयापिं मनूत तसकं लय्‌ताः।

हितोपदेश 18:16

सुं तःधंपिं मनूतय्‌त नाप लाये मास्‍ते वःसा कोस्‍यालि ज्‍वनाः हुँ। थुकिं नापलायेत अःपुकी।

यर्मिया 40:10

जि धाःसा झीथाय् वइपिं बेबिलोनीतय् न्‍ह्यःने छिमि न्‍ह्यलुवाः जुयाः मिस्‍पाय् हे च्‍वने। छिमिसं धाःसा दाखमद्य, तांन्‍वःबलय्‌या फल व चिकं थथःगु थलय् मुंकाः ति, अले छिपिं छिमिसं काःगु शहरय् च्‍वँ।”

यर्मिया 40:12

अले सकलें यहूदी मनूत, गन गन इपिं छ्यालब्‍याल जूगु खः, व थासं लिहां वयाः यहूदा देशया मिस्‍पाय् गदल्‍याहयाथाय् वल। अले इमिसं यक्‍व हे दाख व तांन्‍वःबलय्‌या फल मुंकल।

आमोस 8:1

परमप्रभु परमेश्‍वरं जितः मेगु दर्शन क्‍यनादिल। दर्शनय् जिं पाके जूगु फलं जाःगु छगः दाला खना।

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

१ शमूएल 10:3

“अनं तबोरया तःमागु सिमायाथाय् थ्‍यनेवं बेथेलय् परमेश्‍वरयात आराधना यायेत वनाच्‍वंपिं स्‍वम्‍ह मनूतय्‌त छिं नापलाइ। इपिं मध्‍ये न्‍हापांम्‍हं स्‍वम्‍ह दुगुचात, अनं लिपाम्‍हं स्‍वपा मरि अले दकलय् लिपायाम्‍हं छेंगूया म्‍हिचाय् दाखमद्यं जाःगु थल ज्‍वना वयाच्‍वंगु नापलाइ।

१ शमूएल 16:20

अले यिशैनं थःकाय् दाऊदनापं छम्‍ह च्‍वलय्‌चा व मरिया कु क्‍वबियातःम्‍ह गधा व छगू छेंगूया म्‍हिचा जाय्‌कः दाखमद्य शाऊलयाथाय् छ्वल।

१ शमूएल 25:18

अथे जुयाः हथाय् चाचां निसःपा मरि, निगू मशक छेंगूया म्‍हिचाय् दाखमद्य, न्‍याम्‍ह फैया ला, निइनिगू किलोग्राम सियातःगु अन्‍न, सच्‍छिगः किसमिस व गंकातःगु निसःगः यःमरिसि अबीगेलं कयाः गधातय् म्‍हय् तयाबिल।