२ शमूएल 15:8 - नेवाः बाइबल

⁸ छःपिनि दास जि अराम देशया गशूरय् च्‍वंच्‍वनाबलय् परमप्रभुनापं थथे धकाः भाकल यानागु खः, परमप्रभुं जितः यरूशलेमय् लितब्‍वनाहयादिल धाःसा जिं हेब्रोनय् परमप्रभुया आराधना याये।”

२ शमूएल 15:8 ပူးပေါင်းရင်းမြစ်များ

२ शमूएल 14:23

अनंलि व थत्‍थें गशूरय् वनाः अब्‍शालोमयात यरूशलेमय् लितब्‍वनाहल।

२ शमूएल 14:32

अब्‍शालोमं धाल, “स्‍व, जिं छपाखें जुजुयाथाय् खबर छ्वये फइ ला धकाः छन्‍त थन सःतके छ्वयाहया। जि गशूरं थन वयाः छाय् च्‍वंवया च्‍वनेमाल? जि अन हे च्‍वनाच्‍वंसा ज्‍यूगु नि। अथे जुयाः आः जि जुजुया न्‍ह्यःने दंवने दयेमाः। अले जिं छुं द्वंकागु दुसा वय्‌कलं जितः स्‍यायेमा।”

२ शमूएल 15:9

जुजुं वयात धाल, “बांलाक हुँ।” अथे जुयाः अब्‍शालोम हेब्रोनय् वन।

२ शमूएल 3:3

वया माइलाम्‍ह काय् किलाब खः, थ्‍वया मां कर्मेलयाम्‍ह सी धुंकूम्‍ह नाबालया कलाः अबीगेल खः। साहिँलाम्‍ह काय् अब्‍शालोम खः, थ्‍वया मां गशूरयाम्‍ह जुजु तल्‍मैया म्‍ह्याय् माका खः।

भजनसंग्रहया सफू 56:12

हे परमेश्‍वर! जिं यानागु भाकल पूवंके। जिं छितः सुभाय्‌या बलि छाये हये।

उपदेशक 5:4

छं परमेश्‍वरयात भाकल यायेबलय् व पूवंकेत लिबाके मते। मूर्खनापं वय्‌कः लय्‌तायादी मखु। छं थःगु भाकल पूवंकि।

यशैया 28:15

छिमिसं थथे धयाः घमण्‍ड याइ, “जिमिसं मृत्‍युलिसें बाचा चिनागु दु, अले सीगाःलिसें सहलह यानागु दु। तसकं तःधंगु विपत्ति जिमिथाय् वःसां, उकिं जिमित थिइ फइ मखु। छाय्‌धाःसा जिमिसं मखुगु खँ ल्‍हाइपिन्‍थाय् शरण कयागु दु, अले असत्‍ययात सुपीगु थाय् दय्‌कागु दु।”

यर्मिया 42:20

छिमिसं जितः परमप्रभु छिमि परमेश्‍वरयाथाय् छ्वयाः ‘जिमिगु निंतिं परमप्रभु झी परमेश्‍वरयात प्रार्थना यानादिसँ, जिमित वय्‌कलं धयादीगु छता छता खँ धयादिसँ, जिमिसं व याये’ धयाः छिमिसं थःम्‍हं थःत ध्‍वंलाःगु दु।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

१ शमूएल 1:11

हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

१ शमूएल 16:2

तर शमूएलं धाल, “जिं गथे यानाः सीकेगु? शाऊलं थ्‍व खँ सिल धाःसा ला जितः वं स्‍याइ का।” परमप्रभुं धयादिल, “छम्‍ह साचा छनापं हे यंकी अले ‘परमप्रभुया निंतिं बलि छायेत वयागु खः’ धकाः धा।