२ शमूएल 15:31 - नेवाः बाइबल

³¹ ग्‍वसाः ग्‍वःपिं मध्‍ये अहीतोपेल अब्‍शालोमनापं दु धकाः दाऊदयात न्‍यंकल। अनंलि दाऊदं थथे धकाः प्रार्थना यात, “हे परमप्रभु, अहीतोपेलया सल्‍लाहयात ज्‍यालगय् मजुइका बियादिसँ।”

२ शमूएल 15:31 ပူးပေါင်းရင်းမြစ်များ

२ शमूएल 15:12

अब्‍शालोमं बलि छायाच्‍वंबलय् वं गीलोह शहरं गीलोनी अहीतोपेलयात सःतके छ्वल। अहीतोपेल दाऊदया छम्‍ह सल्‍लाहकार खः। जुजुया विरोधय् याःगु थ्‍व ग्‍वसाः अझ बल्‍लानावन अले अब्‍शालोमया पंलिइपिं झन झन अप्‍वयावन।

२ शमूएल 16:23

उपिं दिनय् अहीतोपेलया सल्‍लाह परमेश्‍वरनापं खँ ल्‍हाइम्‍हय्‌सिगु ति हे ताय्‌किगु खः। दाऊद व अब्‍शालोमं अहीतोपेलया फुक्‍क सल्‍लाहयात मानय् याः।

२ शमूएल 17:14

अब्‍शालोम व फुक्‍क इस्राएलीतय्‌सं धाल, “अहीतोपेलया सल्‍लाह स्‍वयाः हूशैयागु सल्‍लाह हे बांलाः।” छाय्‌धाःसा परमप्रभुं अब्‍शालोमयात नाश यायेत अहीतोपेलया बांलाःगु सल्‍लाहयात मानय् मयाकेगु क्‍वछिनादी धुंकूगु खः।

२ शमूएल 17:23

थःम्‍हं बियागु सल्‍लाह मानय् मयाःगु अहीतोपेलं थुइकल अले वं थःगु गधाया म्‍हय् सामान चिनाः थःगु शहरपाखे थःगु हे छेँ तुं लिहां वन। वं थःगु छेँय् फुक्‍क मिलय् यानाः थः यग्‍गानाः सित। थुकथं व सित अले वयात वया हे अबुया चिहानय् थुनाबिल।

२ शमूएल 17:5

तर अब्‍शालोमं धाल, “अरकी हूशैयात सःतके छ्व, अले वं छु धाइ व झीसं न्‍यनेनु।”

२ शमूएल 17:7

हूशैनं लिसः बिल, “थुपालय् अहीतोपेलं छितः ब्‍यूगु सल्‍लाह पाय्‌छि मजू।

अय्‍यूब 5:12

धूर्ततय्‌गु ग्‍वसाःयात वय्‌कलं स्‍यंकादी, अले इपिं ताःलाइ मखु।

भजनसंग्रहया सफू 109:3

इमिसं जिगु बारे मभिंगु खँ ल्‍हाइगु। म्‍वाय्‌कं म्‍वाय्‌कं जिलिसे ल्‍वाःवइगु।

भजनसंग्रहया सफू 3:1

हे परमप्रभु! जिमि शत्रुत गुलि यक्‍व दुगु। जिगु विरोधय् गुलि मनूत दनावःगु।

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

भजनसंग्रहया सफू 55:10

चान्‍हि इमिसं शहरया पःखालय् गयाः पाः बी। शहरया दुने धाःसा ल्‍वापुख्‍यापु व मभिं मज्‍यू फुक्‍कं जुयाच्‍वनी।

भजनसंग्रहया सफू 55:12

जितः महीपिं जिमि शत्रुत मखु, इमित ला जिं सहयाना च्‍वने फु। जितः मभिंकाच्‍वंपिं जिमि शत्रुत मखु, इपिंलिसे ला जि बिस्‍युं जुइफु।

यशैया 19:3

मिश्रीतय् नुगः क्‍वतुनी अले इमिसं दय्‌कूगु योजना जिं स्‍यंकाबी। इमिसं द्यःतय्‌थाय्, तन्‍त्रमन्‍त्र याइपिन्‍थाय् अले मभिंगु आत्‍माया ज्‍या याइपिन्‍थाय् वनाः सल्‍लाह काइ।

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

१ कोरिन्‍थी 1:20

ज्ञानी धाःपिं गन वन ग्‍व? सःस्‍यूपिं धाःपिं गन वन? थ्‍व संसारय् जवाःसवाः यानाजुइपिं गन वन? परमेश्‍वरं थ्‍व संसारयागु ज्ञानयात मूर्ख यानादीगु मदु ला?

याकूब 3:15

थज्‍याःगु बुद्धि परमेश्‍वरपाखें वःगु मखु। थज्‍याःगु बुद्धि ला संसारं ब्‍यूगु, अले शैतानपाखें वःगु खः।