२ शमूएल 15:26 - नेवाः बाइबल

²⁶ वय्‌कः जि खनाः लय्‌मताः धइगु खःसा, स्‍वयादिसँ, जि थन हे दु। अले वय्‌कलं थःत छु भिं ताय्‌कादी व हे जितः यानादीमा।”

२ शमूएल 15:26 ပူးပေါင်းရင်းမြစ်များ

२ शमूएल 10:12

बल्‍ला व साहसी जु! अले थःगु जाति व झी परमेश्‍वरया शहरतय्‌गु निंतिं मग्‍यासें लडाइँ यायेनु। अले परमप्रभुयात छु याये यः वय्‌कलं व हे यानादी।”

२ शमूएल 11:27

दुखं च्‍वनीगु ई पूवने धुंकाः दाऊदं मनूत छ्वयाः बतशेबायात थःगु छेँय् हल। अनंलि व दाऊदया कलाः जुल, वं छम्‍ह काय् बुइकल। तर दाऊदं छु याःगु खः व खनाः परमप्रभु लय्‌मताः।

२ शमूएल 19:28

जिमि बाज्‍याया फुक्‍क घराना छिगु ल्‍हातं सीमाःपिं खः तर छिकपिनि दास जितः छिसं थःनापं हे नयेत्‍वने बियादिल। थुलिं तःधंगु दया दयाः नं जिं मेगु अप्‍वः छु आशा याये माल?”

२ शमूएल 22:20

वय्‌कलं जितः सुरक्षित थासय् यंकादिल, वय्‌कलं जितः उद्धार यानादिल छाय्‌धाःसा वय्‌कः जिलिसें लय्‌तायादीगु दु।

१ राजा 10:9

परमप्रभु छिकपिनि परमेश्‍वरया प्रशंसा जुइमा। वय्‌कः छि खनाः गुलि लय्‌तायादी व छितः जुजु दय्‌काः थःगु नामय् शासन याके बियाः क्‍यनादीगु दु। छाय्‌धाःसा परमप्रभुं इस्राएलयात सदां माया यानादी। उकिं न्‍याय व धार्मिकता तया तयेत वय्‌कलं छितः इस्राएलयाम्‍ह जुजु दय्‌कादीगु दु।”

१ इतिहास 21:7

परमेश्‍वरयाःगु मिखाय् नं दाऊदं मभिंगु ज्‍या याःगु दु, उकिं परमेश्‍वरं इस्राएलयात सजाँय बियादिल।

२ इतिहास 9:8

परमप्रभु थः परमेश्‍वरया प्रशंसा यानादिसँ! वय्‌कः छि खनाः गुलि लय्‌तायादी व छितः जुजु दय्‌काः थःगु नामय् शासन याके बियादीगु दु। वय्‌कलं इस्राएलीतय्‌त माया यानादी, अले वय्‌कःयात न्‍ह्याबलें इमित रक्षा याये मास्‍ति वः। उकिं छिपाखें न्‍याय व धार्मिकता तया तयेत वय्‌कलं छितः इस्राएलयाम्‍ह जुजु दय्‌कादीगु दु।”

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 62:4

छन्‍त हाकनं “आजुबा” धकाः धाइ मखु। छंगु देशयात हाकनं “समामा” धकाः धाइ मखु, तर छन्‍त “हेप्‍सीबा” धकाः धाइ, अले छंगु देश “ब्‍युलाह” धकाः धाइ। छाय्‌धाःसा परमप्रभु छनापं तसकं लय्‌तायादीगु दु, अले छंगु देशं ब्‍याहा याःगु जुइ।

यर्मिया 22:28

छु! थ्‍व मनू यहोयाकीन छगः सुनां वास्‍ता मयाःगु वांछ्वयातःगु तज्‍याःगु थल खः ला? छाय् वयात वया काय्‌म्‍ह्याय्‌पिंनापं इमिसं म्‍हमस्‍यूगु देशय् वांछ्वयाबीगु?

यर्मिया 32:41

इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।

गन्‍ती 14:8

परमप्रभु झीपिंलिसे लय्‌ताःसा वय्‌कलं झीत व देशय् यंकादी, अले व दुरु व कस्‍ति बाः वयाच्‍वंगु देश झीत बियादी।

मत्ती 1:10

हिजकियाया काय् मनश्‍शे, मनश्‍शेया काय् अमोन, अमोनया काय् योशियाह,

यहोशू 9:25

आः स्‍वयादिसँ! जिपिं छिगु ल्‍हातय् दु। जिमित छु याःसा छितः भिं व पाय्‌छि जुइ व हे यानादिसँ।”

न्‍यायकर्ता 10:15

तर इस्राएलीतय्‌सं परमप्रभुयात धाल, “जिमिसं पाप यानागु दु। जिमित छिं छु यानादी मास्‍ति वः व हे यानादिसँ। तर जिमिसं छितः बिन्‍ति याये दया यानाः थौं जिमित बचय् यानादिसँ।”

१ शमूएल 3:18

अथे जुयाः शमूएलं वयात छुं नं खँ सुमचुकूसे फुक्‍क खँ धयाबिल, अले एलीं धाल, “वय्‌कः परमप्रभु खः। वय्‌कःयात छु भिं ताल व हे यानादीमा।”