२ शमूएल 15:25 - नेवाः बाइबल

²⁵ अनंलि जुजुं सादोकयात धाल, “परमेश्‍वरया बाचाया सनू शहर दुने तुं लित यंकि। परमप्रभुं जितः दया यानादीसा वय्‌कलं जितः लित ब्‍वनाहयादी अले जिं वय्‌कःया बाचाया सनू व नापलायेगु पालयात हाकनं स्‍वये दइ।

२ शमूएल 15:25 ပူးပေါင်းရင်းမြစ်များ

२ शमूएल 6:17

इमिसं परमप्रभुया सनूयात पाल ग्‍वयाः थःथाय् दुने यंकाः पक्‍का यानातःगु थासय् तये यंकल। अले दाऊदं परमप्रभुया न्‍ह्यःने होमबलि व मेलबलि छाल।

२ शमूएल 7:2

दाऊदं नातान अगमवक्तायात धाल, “थन जि देवदारु सिं दय्‌कूगु लाय्‌कुलिइ च्‍वनाच्‍वनागु दु, परमप्रभुया बाचाया सनू धाःसा पालय् दु।”

भजनसंग्रहया सफू 122:1

इमिसं जितः “परमप्रभुया देगलय् झीपिं वनेनु” धकाः धाःबलय् जि लय्‌ताया।

भजनसंग्रहया सफू 122:9

परमप्रभु झी परमेश्‍वरया देगःया निंतिं जिं छंगु भिंया लागि प्रार्थना याये।

भजनसंग्रहया सफू 26:8

हे परमप्रभु, जितः छिगु महिमा झःझः धाय्‌क खनेदइगु छि च्‍वनादीगु पबित्र थाय् यः।

भजनसंग्रहया सफू 84:10

हे परमेश्‍वर, छन्‍हु छिगु चुकय् च्‍वनेगु मेथाय् द्वःछिन्‍हु स्‍वयाः भिं। दुष्‍टतय्‌गु पालय् च्‍वनेगु स्‍वयाः जिमि परमेश्‍वरया देगःया ध्‍वाखा पिवाः जुइगु यः।

प्रस्‍थान 15:13

“छिं थःगु दया मायाय् थःम्‍ह त्‍वःतकादीपिं मनूतय्‌त लँ क्‍यनादीगु दु। थःगु बलं छिं इमित थः च्‍वनादीगु पवित्र थासय् यंकादी।

प्रस्‍थान 33:12

मोशां परमप्रभुयात धाल, “छिं जितः थुपिं मनूतय्‌त ब्‍वनायंकि धकाः धयादीगु दु, अय्‌नं जिनापं सुयात छ्वयादी धकाः धयादीगु मदुनि। छिं धयादीगु दु, ‘जिं छन्‍त म्‍हस्‍यू, अले जिगु दया छंके दु।’

प्रस्‍थान 33:13

छि जिनापं लय्‌ताःसा जितः लँपु क्‍यनादिसँ। छितः म्‍हसीके फयेमा अले छिगु दया जिके दयाच्‍वनेमा। लुमंकादिसँ, थ्‍व जाति छिकपिनि हे मनूत खः।”

यशैया 38:22

हिजकियां यशैयायात न्‍यंगु खः, “जि परमप्रभुया देगलय् वने फइ धइगुया चिं छु जुइ?”

यर्मिया 25:30

“आः छं इमिगु विरोधय् थ्‍व फुक्‍क खँ अगमवाणी ल्‍हानाः इमित धा, “‘परमप्रभु स्‍वर्गं थ्‍वयेक हालादी। वय्‌कः थः च्‍वनादीगु पवित्र थासं थ्‍वयेक हालादी, अले थःगु देशया विरोधय् वय्‌कः तःसलं हालादी। पृथ्‍वीइ च्‍वंपिं सकसिगु विरोधय्, दाखमद्य न्‍हुइपिं थें वय्‌कः हालादी।

यर्मिया 7:4

मखुगु खँय् भलसा कयाः थथे धाये मते “थ्‍व हे परमप्रभुया देगः खः, परमप्रभुया देगः खः, परमप्रभुया देगः खः!”