२ शमूएल 15:2 - नेवाः बाइबल

² अले व सुथ न्‍हापां दनाः शहरया मू ध्‍वाखाय् वनेगु लँ लिक्‍क दनाच्‍वनीगु। अले सुं मनू जुजुयाथाय् वयाः निसाफ फ्‍वँ वइबलय् अब्‍शालोमं व मनूयात सःताः “छ गुगु शहरं वयाम्‍ह खः?” धकाः न्‍यनीगु। अले व मनुखं थथे धकाः लिसः बीगु, “स्‍वयादिसँ, जि इस्राएलया छगू कुलयाम्‍ह खः।”

२ शमूएल 15:2 ပူးပေါင်းရင်းမြစ်များ

उत्‍पत्ति 34:20

उकिं हमोर व वया काय् शकेमं शहरया मू ध्‍वाखाय् वनाः शहरय् च्‍वंपिन्‍त धाल,

२ शमूएल 19:8

अनंलि जुजु दनाः वनाः शहरया ध्‍वाखा लिक्‍क च्‍वंवन। अले फुक्‍क मनूतय्‌सं “जुजु ध्‍वाखा लिक्‍क च्‍वनाच्‍वंगु दु” धकाः न्‍यन अले इपिं सकलें जुजुया न्‍ह्यःने वल। अबलय् अब्‍शालोमयात ग्‍वाहालि याःपिं फुक्‍क इस्राएलीत थथःगु छेँय् बिस्‍युं वने धुंकूगु खः।

२ इतिहास 10:7

बुरापिन्‍सं रहबामयात धाल, “छिं थुपिं मनूतय्‌त बांलाःगु व्‍यवहार यानाः थुमित लय्‌ताय्‌कादीसा, अले थुपिंलिसें नाइक खँ ल्‍हानादीसा थुमिसं न्‍ह्याबलें छिगु सेवा याइ।”

अय्‍यूब 24:14

ज्‍यानमारा धाःसा सुथय् खिउँ खिउँ धाबलय् दनाः गरीब व मगाःमचाःपिन्‍त स्‍याइ। चान्‍हय् धाःसा वं खुँनं थें लुटपाट याइ।

प्रस्‍थान 18:14

यित्रों मोशां मनूतय्‌गु निंतिं यानाच्‍वंगु फुक्‍क ज्‍याखँ खनाः वयात न्‍यन, “छिं मनूतय्‌गु निंतिं यानाच्‍वनागु थ्‍व छु ज्‍या खः? छि याकःचा जक छाय् न्‍याय यायेत च्‍वनादियागु? थुलिमछि मनूत सुथंनिसें बहनी तक छिगु जवंखवं दनाच्‍वंगु दु।”

प्रस्‍थान 18:16

इमि दथुइ छुं कचवं पिहां वल कि इपिं जिथाय् वइ, अले जिं इमिगु दथुइ न्‍याय यानाबीगु। अले इमित परमेश्‍वरयागु नियम स्‍यनेकने यायेगु।”

प्रस्‍थान 18:26

उबलय्‌निसें इमिसं मनूतय्‌गु न्‍याय यायेगु यात। थाकुगु थाकुगु मुद्दा इमिसं मोशायाथाय् हयेगु यात। चिचीधंगु खँय् इमिसं थःपिन्‍सं हे क्‍वःछिना छ्वइगु जुल।

हितोपदेश 4:16

दुष्‍टत सुयातं मस्‍यंकुतले द्यनेफइ मखु सुयातं क्‍वःमथतले इमि न्‍ह्यः वइ मखु।

दानिएल 11:21

“हानं वयागु थासय् छम्‍ह तसकं क्‍वह्यंम्‍ह मनू वइ, न्‍हापा ला वयात जुजुयात दइगु हनाबना दइ मखु। तर शान्‍तिया इलय् व वाः मचाय्‌कः वइ अले वं ग्‍वसाः ग्‍वयाः व देशयात काइ।

मत्ती 27:1

सुथ न्‍हापां हे तःधंपिं पुजाहारीतय्‌सं व थकालिपिन्‍सं मुनाः येशूयात स्‍यायेगु ग्‍वसाः ग्‍वल।

व्‍यवस्‍था 17:8

छिमिगु शहरय् मनू स्‍याःगु मुद्दा, सम्‍पत्तिया मुद्दा वा कचवं, ल्‍वापुख्‍यापुया मुद्दा क्‍वःछियेत थाकुल धाःसा परमप्रभु छिमि परमेश्‍वरं ल्‍ययादीगु थासय् हुँ।

रुथया सफू 4:1

बोअज शहरया ध्‍वाखाय् वनाः च्‍वनाच्‍वन। छुं ई लिपा वं धाःम्‍ह एलीमेलेकया सतिक थःलाःम्‍ह मनू थ्‍यंकः वल। अले बोअजं वयात धाल, “पासा, थन वयाः फ्‍यतु।” व बोअजया न्‍ह्यःने वनाः फ्‍यतुल।