२ शमूएल 15:13 - नेवाः बाइबल

¹³ छम्‍ह दूत वयाः जुजुयात थथे खबर बिल, “इस्राएलीतय्‌गु मन अब्‍शालोमपाखे वंगु दु।”

२ शमूएल 15:13 ပူးပေါင်းရင်းမြစ်များ

२ शमूएल 15:6

जुजुयाथाय् न्‍याय फ्‍वँ वइपिं फुक्‍क इस्राएलीतय्‌त अब्‍शालोमं बांलाःगु व्‍यवहार याइगु। याकनं हे इस्राएलयापिं सकसिनं दाऊदयात स्‍वयाः अब्‍शालोमयात यय्‌कल।

२ शमूएल 3:36

अले मनूतय्‌सं थ्‍व खँ थुल, अले इपिं मानय् जुल। जुजुं याःगु फुक्‍क खँय् इपिं तसकं लय्‌ताल।

भजनसंग्रहया सफू 3:1

हे परमप्रभु! जिमि शत्रुत गुलि यक्‍व दुगु। जिगु विरोधय् गुलि मनूत दनावःगु।

भजनसंग्रहया सफू 62:9

चिधंपिं मनूत छम्‍हू सासः जक खः। तःधंपिं मनूत पिनें खने दु थें मदु। लनास्‍वल धाःसा इपिं याउँसे च्‍वं, निम्‍हु फय् स्‍वयाः याउँसे च्‍वं।

मत्ती 21:9

वय्‌कःया ल्‍यूल्‍यू व न्‍ह्यः न्‍ह्यः वयाच्‍वंपिं मनूत थथे धकाः हाल – “होसन्‍ना, दाऊदया काय्, प्रभुया नामं झाःम्‍ह धन्‍यम्‍ह खः। स्‍वर्गय् च्‍वनादीम्‍ह परमेश्‍वरयात होसन्‍ना।”

मत्ती 27:22

“अय्‌सा ख्रीष्‍ट धाःम्‍ह येशूयात छु यायेगु लय्?” धकाः पिलातसं इमिके न्‍यन। “वयात क्रूसय् यख्‍खानाः स्‍यानाछ्व” धकाः फुक्‍क मनूत छकलं हाला हल।

न्‍यायकर्ता 9:3

इमि पाजुपिन्‍सं शकेमय् च्‍वंपिं मनूतय्‌त थ्‍व हे खँ धाल। इमिसं अबीमेलेकया ल्‍यूल्‍यू वनेगु बिचाः यात। इमिसं धाल, “व झी थः हे मनू खः।”