२ शमूएल 14:7 - नेवाः बाइबल

⁷ स्‍वयादिसँ, आः जिमि थःथितिपिन्‍सं जिगु विरोधय् दनाः थथे धाल, ‘थः किजायात स्‍याःम्‍हय्‌सित जिमित लःल्‍हा अले वं थः हे किजायात स्‍याःगुलिं जिमिसं नं वयात स्‍याये, अले थुकथं अधिकार याइम्‍हय्‌सित नं नाश यानाछ्वये।’ इमिसं थथे यात धाःसा जिमि छम्‍ह हे जक बचय् जूम्‍ह हेंग्‍वाः मिंयात नं स्‍यानाबी। अले जिमि भाःतया नां हे ल्‍यं मदय्‌का छ्वयाः संसारय् सुं नं सन्‍तान ल्‍यं दइ मखु।”

२ शमूएल 14:7 ပူးပေါင်းရင်းမြစ်များ

उत्‍पत्ति 27:45

छं याःगु खँ ल्‍वःमनाः छिमि दाजुया तं क्‍वलासेंलि जिं छन्‍त काय्‌के छ्वयाहये। छन्‍हुं हे जि छाय् छिपिं निम्‍हंलिसे बायाच्‍वनेगु?”

उत्‍पत्ति 4:14

स्‍वयादिसँ, थौं छिं जितः थ्‍व बं पितिनादिल। जि छिपाखें सुपिलाः जुइमाली। अले थाय्‌बाय् मदय्‌काः जुइमाली। अले जितः सुनानं स्‍याना नं बी फु।”

२ शमूएल 12:17

छेँय् दुपिं हाकिमतय्‌सं वयात थनेगु कुतः यात तर वं म्‍हाः धाल, अले इपिं नापं छुं नयेगु मन नं मयात।

२ शमूएल 14:6

जि निम्‍ह काय्‌पिं दु। छन्‍हु इपिं निम्‍ह ख्‍यलय् ल्‍वात। इमित छुतय् याइपिं सुं नं मदु अथे जुयाः छम्‍हय्‌सिनं मेम्‍हय्‌सित स्‍यात।

२ शमूएल 14:8

जुजुं व मिसायात धाल, “हुँ, जिं छंगु निसाफ याये।”

गन्‍ती 35:19

हिया बदला काइम्‍हसिनं वयात स्‍याये फइ। इमिसं वयात लुइकेवं स्‍याये फइ।

मत्ती 21:38

“तःसिंया काय् हे वःगु खनाः म्‍हय्‌तय्‌सं थःथवय् धाल, ‘थ्‍व ला तःसिंया काय् खः, थ्‍वयात स्‍यानाः फुक्‍क धनसम्‍पत्ति झीगु यायेनु।’

व्‍यवस्‍था 25:6

वं न्‍हापां बुइकूम्‍ह काय् सिनावंम्‍ह दाजु वा किजाया काय् ताय्‌केमाः। अले वयागु नां इस्राएलय् दया हे च्‍वनी।