२ शमूएल 13:4 - नेवाः बाइबल

⁴ वं अमनोनयात धाल, “हे राजकुमार, छि छाय् न्‍हियान्‍हिथं थथे निराश जुयादीयागु, छितः छु जुल?” अनंलि अमनोनं वयात धाल, “जिं जिमि किजा अब्‍शालोमया केहेँ तामारयात तसकं यय्‌काःगु दु।”

२ शमूएल 13:4 ပူးပေါင်းရင်းမြစ်များ

२ शमूएल 13:3

तर अमनोनया योनादाब नांयाम्‍ह छम्‍ह पासा दु। व दाऊदया दाजु शिमाहया काय् खः। योनादाब तसकं चलाखम्‍ह खः।

२ शमूएल 13:5

अले योनादाबं वयात धाल, “छ म्‍हंमफु धकाः लासाय् द्यनाच्‍वँ।” छिमि अबु छन्‍त स्‍वःवइबलय् वयात थथे धा, “दया यानाः जिमि केहेँ तामार वयाः जितः नयेगु निंतिं नसा ब्‍यु वयेमा। वं जिगु न्‍ह्यःने नसा दय्‌केमा, अले जिं वयात स्‍वये, वयागु हे ल्‍हातं जितः तयाब्‍यूगु जिं नये।”

१ राजा 21:5

वया कलाः ईजेबेलं वनाः वयात न्‍यन, “छाय् छुं भपिया मदीयागु? छाय् छिगु ख्‍वाः थपाय्‌सकं खिउँगु?”

१ राजा 21:7

ईजेबेलं वयात धाल, “इस्राएलयाम्‍ह जुजु छि खः, कि सु खः? लासां दनादिसँ, ख्‍वाः खिउँकादी मते, छुं भपियादिसँ! जिं नाबोतया दाखक्‍यब छितः बीके।”

यशैया 3:9

इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

लेवी 18:9

“‘छं थः हे मांबौपाखें बूम्‍ह तताकेहेँ अले थः मां वा बौया न्‍ह्यसु म्‍ह्याय्‌नापं लसपस याये मज्‍यू। व थःगु हे छेँ बूम्‍ह जुइमा वा पिने बुयाः तःधीम्‍ह जूसां अथे याये मते।

लेवी 20:17

“‘सुनानं थः तःकेहेँपिं, थः बौ वा मांया पाखेंयाम्‍ह म्‍ह्याय्‌यात ब्‍याहा यानाः लसपस यात धाःसा व लज्‍या चायापुगु ज्‍या खः। इमित इमि थः मनूतपाखें पितिनाछ्वयेमाः। वं थः केहेँयात लज्‍या चायापुगु ज्‍या खः। अले व उकिया दोषी जुइ।

मीका 7:3

सकलें मभिं ज्‍या याये सः, शासकत व न्‍यायाधीशतय्‌सं घुस फ्‍वनीगु, शक्ति दुपिन्‍सं इमित छु यः व हे आज्ञा बियाच्‍वनी। थुकथं इपिं सकलें मिलय् जुयाः मखुगु ज्‍या यायेत ग्‍वसाः ग्‍वइ।

लूका 12:32

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।