२ शमूएल 13:31 - नेवाः बाइबल

³¹ दाऊद जुरुक्‍क दनाः तसकं दुःख मन ताय्‌काः थःगु वसः खुत अले बँय् भ्‍वसू वन। अले वनापं दुपिं च्‍यःतय्‌सं नं थथःगु वसः खुत।

२ शमूएल 13:31 ပူးပေါင်းရင်းမြစ်များ

उत्‍पत्ति 37:29

रूबेनं लिहां वयाः तुंथिइ स्‍वःबलय् योसेफयात अन मखनाः वं थःगु लं खुत।

उत्‍पत्ति 37:34

वं थःगु लं खुत। वं थःगु म्‍हय् भांग्रां भुन। व थः काय्‌या लागि थुकथं तःन्‍हु तक दुःखं च्‍वन।

२ शमूएल 1:11

थ्‍व खबर न्‍यनेवं दाऊदं थःगु लं खुत, अले वनापं दुपिं सकलें मनूतय्‌सं नं अथे हे यात।

२ शमूएल 12:16

दाऊदं व मचाया निंतिं परमप्रभुयाके बिन्‍ति यात। व अपसं च्‍वन। अले थःगु छेँय् दुहां वनाः बँय् भ्‍वसुलाः चा छ्यात।

२ शमूएल 13:30

इपिं लँय् वनाच्‍वंबलय् जुजु दाऊदयाथाय् थज्‍याःगु खबर थ्‍यन, “अब्‍शालोमं छिकपिनि फुक्‍क काय्‌पिन्‍त स्‍याये धुंकल, छम्‍ह नं बचय् मजू!”

२ शमूएल 3:31

अनंलि दाऊदं योआब अले वनापं दुपिं फुक्‍क मनूतय्‌त थःगु लं खुनाः भांग्रा फिइत व अबनेरया सीम्‍ह न्‍ह्यः न्‍ह्यः विलाप यायां हुँ धकाः हुकुम यात अले जुजु थः नं सीम्‍हया ल्‍यूल्‍यू वन।

अय्‍यूब 1:20

व फुक्‍क खँ न्‍यनाः अय्‍यूब दन, अले थःगु लं खुत। वं थःगु सँ खात अले बँय् भ्‍वसुलाः आराधना यानाः

यहोशू 7:6

अथे जूगुलिं यहोशू व इस्राएलीया नायःपिन्‍सं थथःगु वसः खुनाः छेनय् धू ह्वलाः परमप्रभुया सनूया न्‍ह्यःने बँय् भ्‍वसुलाः सन्‍ध्‍याकाः ई तक हे च्‍वनाच्‍वन।