२ शमूएल 13:24 - नेवाः बाइबल

²⁴ अब्‍शालोमं जुजुयाथाय् वयाः धाल, “स्‍वयादिसँ, छःपिनि दास फैया ऊन चायेगु नखः हनाच्‍वंगु दु। छि व छिकपिनि भारदारत नं झायादी ला?”

२ शमूएल 13:24 ပူးပေါင်းရင်းမြစ်များ

उत्‍पत्ति 38:12

वयां तःन्‍हु लिपा, छन्‍हु शूआया म्‍ह्याय् यहूदाया कलाः सित। दुःखं च्‍वने क्‍वचायेवं यहूदा अदुल्‍लामय् च्‍वंम्‍ह थः पासा हीरायात ब्‍वनाः तिम्‍नाय् थः फैतय्‌गु सँ चाःगु स्‍वःवन।

२ शमूएल 13:23

निदँ लिपा अब्‍शालोमं एफ्राइम शहरया लिक्‍क बाल-हासोरय् फैतय्‌गु ऊन चायेगु नखः हनाच्‍वंबलय् जुजुया फुक्‍क काय्‌पिन्‍त नं सःतल।

२ शमूएल 13:25

जुजुं लिसः बिल, “वये मखु, जिमि काय्, जिपिं सकलें वयाः छन्‍त दुःख बी मखु।” अब्‍शालोमं तसकं कर यात, अय्‌नं दाऊद वने मानय् मजू। बरु अब्‍शालोमयात आशिष बियाः बिदा बियाछ्वत।

भजनसंग्रहया सफू 12:2

सकसिनं थःथवय् मखुगु खँ ल्‍हानाजुइगु, म्‍हुतु जक पिचुकाः थवंथवय् झंगः लानाजुइगु।

भजनसंग्रहया सफू 55:21

वयागु सः घ्‍यः थें पिचुसे च्‍वं, नुगः धाःसा ल्‍वापुं जाः वयागु खँ घ्‍यः थें नाइसे च्‍वं, तरवार स्‍वयाः ज्‍वः।

१ शमूएल 25:7

“‘छिकपि फैजवाःत थुलिमछि दिं तक जिमिथाय् च्‍वन नं जिमिसं इमित दुःख मबिया अले इपिं कर्मेलय् दुबलय् नं इमिगु छुं तंगु नं मदु।