२ शमूएल 13:23 - नेवाः बाइबल

²³ निदँ लिपा अब्‍शालोमं एफ्राइम शहरया लिक्‍क बाल-हासोरय् फैतय्‌गु ऊन चायेगु नखः हनाच्‍वंबलय् जुजुया फुक्‍क काय्‌पिन्‍त नं सःतल।

२ शमूएल 13:23 ပူးပေါင်းရင်းမြစ်များ

उत्‍पत्ति 31:19

उबलय् लाबान फैतय्‌त सँ चाकःवनाच्‍वंगु खः। थः बौ मदुबलय् राहेलं थः बौया छेँय् च्‍वंगु मूर्तित खुयाहल।

२ शमूएल 13:24

अब्‍शालोमं जुजुयाथाय् वयाः धाल, “स्‍वयादिसँ, छःपिनि दास फैया ऊन चायेगु नखः हनाच्‍वंगु दु। छि व छिकपिनि भारदारत नं झायादी ला?”

१ राजा 1:19

वं यक्‍व द्वहंत, ल्‍ह्वंपिं द्वहंचात व फैत बलि ब्‍यूगु दु। अले जुजु दाऊदया फुक्‍क काय्‌पिं, अबियाथार पुजाहारी व सेनापति योआबयात सःतूगु दु। छःपिनि दास सोलोमनयात धाःसा मसःतू।

१ राजा 1:25

वं थौं क्‍वय् वनाः यक्‍व द्वहंत व ल्‍ह्वंपिं द्वहंचात व फैत बलि छाःगु दु। वं जुजु दाऊदया फुक्‍क काय्‌पिं, सेनापतित व अबियाथार पुजाहारीयात भ्‍वय् सःतूगु दु। आः थुबलय् हे इपिं वनापं च्‍वनाः भ्‍वय् नयाच्‍वंगु दु अले ‘जुजु अदोनियाह ताःई म्‍वायेमा’ धकाः हालाच्‍वंगु दु।

१ राजा 1:9

छन्‍हु अदोनियाहं एन-रोगेल बुँगाःचाया लिक्‍क जोहेलेत धाःगु ल्‍वहँतय् फैत, द्वहंत व ल्‍ह्वंपिं द्वहंचात बलि बिल। वं दाऊद जुजुया मेपिं काय्‌पिं व यहूदां वःपिं जुजुया फुक्‍क हाकिमतय्‌त भ्‍वय् नयेत सःतल।

२ राजा 3:4

मोआबया जुजु मेशां यक्‍व फै लहिनातःगु दु। दँय्‌दसं वं १,००,००० चिधिकःपिं भ्‍याःचा व १,००,००० भ्‍याःचाया ऊन इस्राएलया जुजुयात बीमाः।

२ इतिहास 26:10

वयाके क्‍वय् लाःगु इलाकाय् व चक्‍कंगु ख्‍यलय् यक्‍व सा द्वहं दुगुलिं वं मरुभूमिइ नं धरहरात दय्‌कल, अले लः मुंका तयेगु यक्‍व गाः म्‍हुल। वयात बुँज्‍या यः, अले वं मनूतय्‌त डाँडा डाँडाय् दाखक्‍यब दय्‌केत व यक्‍वः सइगु बुँइ बुँज्‍या यायेत हपाः बीगु।

नहेम्‍याह 11:33

हासोर, रामा, गित्तैम,

१ शमूएल 25:2

अन माओनय् छम्‍ह मनू दु। वया कर्मेल शहरय् यक्‍व सम्‍पत्ति दु। व तसकं धनीम्‍ह खः। वया स्‍वद्वः फै व द्वःछि च्‍वलय् दु। वं कर्मेलय् थः फैतय्‌गु सँ चानाच्‍वंगु खः।

१ शमूएल 25:36

अबीगेल छेँ थ्‍यनाः वं अन नाबालं जुजुपिन्‍त नकेगु भ्‍वय् थें नयाच्‍वंगु खन। नाबाल लय्‌तायाः दाखमद्य त्‍वनाः तसकं काय्‌काच्‍वंगु दु। अथे जुयाः वया कलातं वयात सुथ तक नं छुं मधासे च्‍वन।

१ शमूएल 25:4

नाबालं थः फैतय्‌तगु सँ चानाच्‍वंगु धयागु खँ मरुभूमिइ दाऊदं न्‍यन।

१ शमूएल 25:7

“‘छिकपि फैजवाःत थुलिमछि दिं तक जिमिथाय् च्‍वन नं जिमिसं इमित दुःख मबिया अले इपिं कर्मेलय् दुबलय् नं इमिगु छुं तंगु नं मदु।