२ शमूएल 13:22 - नेवाः बाइबल

²² अब्‍शालोमं अमनोनयात भिं व मभिं छुं मधाल। थः केहेँ तामारयात बेइज्‍जत याःगुलिं अब्‍शालोमं अमनोनयात तसकं मय्‌कल।

२ शमूएल 13:22 ပူးပေါင်းရင်းမြစ်များ

उत्‍पत्ति 24:50

लाबान व बतूएलं धाल, “थ्‍व फुक्‍क परमप्रभुं हे यानादीगु खः। जिमिसं गथे यानाः ‘मज्‍यू’ धायेगु?

उत्‍पत्ति 31:24

उखुन्‍हु हे चान्‍हय् परमेश्‍वरं म्‍हगसय् वयाः लाबानयात धयादिल, “होश या, छं याकूबयात छुं कथं ख्‍याये मते।”

उत्‍पत्ति 31:29

जिं छन्‍त स्‍यंके नं फु। तर म्‍हिगः चान्‍हय् छिमि बाःया परमेश्‍वरं जितः धयादिल, ‘होश या, छं याकूबयात छुं कथं ख्‍याये मते।’

२ शमूएल 13:21

दाऊदं थ्‍व फुक्‍क खँ न्‍यंबलय् व तसकं तंम्‍वल।

हितोपदेश 10:18

थःगु नुगलय् घृणा सुचुकातइपिं फताहा खः। अले मखुगु खँ बय्‌बय् यानाजुइपिं मूर्ख खः।

हितोपदेश 25:9

थः जःलाखःलानाप ल्‍वापु जुल धाःसा कर्पिनिगु गुप्‍ति खँ प्‍वले मते।

हितोपदेश 26:24

दुष्‍टतय्‌सं माकुगु खँ ला ल्‍हाइ, इमिगु नुगलय् धाःसा घच्‍चायापुगु खं हे थाय्‌कयाच्‍वनी।

हितोपदेश 26:26

इमिसं थःपिनिगु मभिंगु बिचाः ला सुचुका तइ, तर मभिंगु ज्‍या ला सकसिनं खनी।

उपदेशक 7:9

मनय् छकलं तंम्‍वय्‌के मते, छाय्‌धाःसा तं ला मूर्खतय्‌गु छातिइ च्‍वनाच्‍वनी।

मत्ती 18:15

“छिमि दाजुकिजा सुनानं छन्‍त मभिंका जुल धाःसा याकःचा हे वनाः वयागु द्वंबिद्वं क्‍यनाब्‍यु। वं छंगु खँ न्‍यन धाःसा छिपिं हानं मिलय् जुइ फइ।

एफिसी 4:26

छिमिसं तं पिहां वइबलय् तमय् छुं कथंया पाप याये मते। निभाः बी न्‍ह्यः हे छिमिगु तं क्‍वलायेमाः!

एफिसी 4:31

बांमलाःगु खँ मतिइ तये मते, तं व ल्‍वापुख्‍यापु त्‍वःताछ्व। ईख यायेगु व मेपिन्‍त क्‍वह्यंका जुइगु त्‍वःताछ्व। मेपिन्‍त स्‍यंका जुइगु नं त्‍वःताछ्व।

१ यूहन्‍ना 2:11

अय्‌नं दाजुकिजापिन्‍त हेला यानाजुइम्‍ह मनू खिउँथाय् लाइ। अले खिउँथाय् हे जुइ। वं थः गन वनाच्‍वना धकाः सी मखु, छाय्‌धाःसा वयागु मिखा खिउँगुलिं कां जुइ।

१ यूहन्‍ना 2:9

ख्रीष्‍टं जिगु नुगः यचुक सिलादीगु दु धकाः धया जुइम्‍ह मनुखं दाजुकिजापिन्‍त हेला यानाच्‍वन धाःसा आः तक नं वयागु नुगः हाकुसे हे च्‍वं नि।

१ यूहन्‍ना 3:10

परमेश्‍वरया सन्‍तान व शैतानया सन्‍तान थुकिं हे बांलाक सी दइ। बांलाःगु भिंगु ज्‍या मयाइम्‍ह, अले थः दाजुकिजापिन्‍त माया मयाइम्‍ह मनू परमेश्‍वरया सन्‍तान मखु।

१ यूहन्‍ना 3:12

झीपिं कयिन थें जुइ मज्‍यू। कयिन शैतानया मनू जूगुलिं वं थः हे किजा हाबिलयात स्‍यात। कयिनं थः हे किजायात छाय् स्‍यात? कयिन शैतानया मनू जूगुलिं वया किजां भिंगु बांलाःगु याना जूगु स्‍वये मफयाः वं थः किजायात स्‍यात।

१ यूहन्‍ना 3:15

दाजुकिजापिन्‍त हेला याइम्‍ह मनू ज्‍यानमारा खः। अले ज्‍यानमारायाके अनन्‍त जीवन दइ मखु।