२ शमूएल 13:19 - नेवाः बाइबल

¹⁹ तामारं थःगु छेनय् नउ तल अले थःम्‍हं फिनातःगु लंजग्‍वः दुगु भान्‍तां लं खुनाः ल्‍हातं थःगु ख्‍वाः त्‍वःपुयाः ख्‍वख्‍वं पिहां वन।

२ शमूएल 13:19 ပူးပေါင်းရင်းမြစ်များ

उत्‍पत्ति 37:29

रूबेनं लिहां वयाः तुंथिइ स्‍वःबलय् योसेफयात अन मखनाः वं थःगु लं खुत।

२ शमूएल 1:11

थ्‍व खबर न्‍यनेवं दाऊदं थःगु लं खुत, अले वनापं दुपिं सकलें मनूतय्‌सं नं अथे हे यात।

२ शमूएल 1:2

स्‍वन्‍हु दुखुन्‍हु थःगु वसः खुनाः छेनय् धू तयाः छम्‍ह मनू शाऊलया पालय् वल। व दाऊदया न्‍ह्यःने थ्‍यनेवं बँय् भ्‍वसुलाः दाऊदयात भागि यात।

२ शमूएल 13:20

वया दाजु अब्‍शालोमं वयात खनाः न्‍यन, “छु अमनोनं छन्‍त बलात्‍कार यात ला कि छु? केहेँ मय्‌जु, व खँ नुगलय् तयाः दुःख ताय्‌के मते। व ला छं चिरिमांया काय् खः। थ्‍व खँ सुयातं धाये मते।” तामार अब्‍शालोमया छेँय् वनाः च्‍वँ वन अले व छम्‍ह त्‍वःतातःम्‍ह मिसा थें याकःचा दुःखी जुयाच्‍वन।

एस्‍तर 4:1

थ्‍व फुक्‍क खँ न्‍यनेवं मोर्दकैनं थःगु वसः खुत, भांग्रा फिनाः नलीं बुलाः तःसलं हालाः विलाप यायां शहरया प्‍यखेरं चाःहुलाजुल।

अय्‍यूब 2:12

इमिसं वयात तापाक्‍कं हे खन, तर इमिसं वयात म्‍हसीके थाकुल। इपिं ह्वाँय्‌ह्वाँय् ख्‍वल, अले थःगु लं खुनाः थःगु छेनय् धू ह्वल।

अय्‍यूब 42:6

उकिं जिं थःत क्‍वह्यंकाः स्‍वया, अले धू व नउलय् च्‍वनाः पस्‍ताय् चाये।”

यर्मिया 2:37

अनं नं लज्‍या चायाः छ छेनय् ल्‍हाः तयाः अथें लिहां वइ। छाय्‌धाःसा छं सुयात सुयात भलसा यात, इमित परमप्रभुं इन्‍कार यानादीगु दु। इपिंपाखें छन्‍त ग्‍वाहालि दइ मखु।

यहोशू 7:6

अथे जूगुलिं यहोशू व इस्राएलीया नायःपिन्‍सं थथःगु वसः खुनाः छेनय् धू ह्वलाः परमप्रभुया सनूया न्‍ह्यःने बँय् भ्‍वसुलाः सन्‍ध्‍याकाः ई तक हे च्‍वनाच्‍वन।

१ शमूएल 4:12

उखुन्‍हु बेन्‍यामीन कुलया छम्‍ह मनू लडाइँ जूगु थासं ब्‍वांय् वयाः शीलोय् थ्‍यंकवल। वं थःगु दुःख क्‍यनेत थःगु लं खुनाः छेनय् धू बुलातःगु दु।